ಸ್ವಚ್ಛತೆ ನಿತ್ಯ ಕಾಡುವ ಸಮಸ್ಯೆ. ಹಾಗೆಂದ ಮಾತ್ರಕ್ಕೆ ಮನೆಯನ್ನು, ಮನೆಯಲ್ಲಿರುವ ವಸ್ತುಗಳನ್ನು ಅಶುಚಿಯಿಂದ ಇಟ್ಟುಕೊಳ್ಳಲು ಸಾಧ್ಯವಿಲ್ಲ. ಹಿತ್ತಲಿನಿಂದ ಹಿಡಿದು ಹೊರಾಂಗಣದವರೆಗೆ ಸ್ವಚ್ಛತೆ ಕಾಪಾಡಬೇಕಾದ ಅನಿವಾರ್ಯತೆ. ಮನೆಯನ್ನಷ್ಟೇ ಸ್ವಚ್ಛವಾಗಿಟ್ಟರೆ ಸಾಲದು. ಅದರೊಟ್ಟಿಗೆ ಮನೆಯಲ್ಲಿರುವ ವಸ್ತುಗಳನ್ನೂ ಕೇರ್ ಮಾಡಬೇಕು. ಇದರಲ್ಲಿ ಪ್ರಮುಖವಾಗಿರುವುದು ಹೊರಾಂಗಣದಲ್ಲಿ ಪೀಠೋಪಕರಣಗಳು.
ಪೀಠೋಪಕರಣಗಳನ್ನು ಶುಚಿಯಾಗಿಡಲು ಹಲವಾರು ವಿಧಗಳು, ವೈಶಿಷ್ಟಗಳು ಇವೆ. ದಿನನಿತ್ಯ ಅವುಗಳ ಕಡೆ ಗಮನ ನೀಡುತ್ತ ಬಂದರೆ ಅದು ಸುಲಭ. ಇಲ್ಲವಾದರೆ ಕಠಿಣ.
ಹಾಗಾದರೆ ಪೀಠೋಪಕರಣ ಶುಚಿಯಾಗಿಡಲು ಕೆಲವು ಸಂಗತಿ ನಿಮಗಾಗಿ ಇಲ್ಲಿವೆ:
ಪೀಠೋಪಕರಣಗಳನ್ನು ನೀಡಿದ ಕಂಪನಿಯವರು ಶುಚಿಯಾಗಿಡಲು ನಿಮಗೆ ನೀಡಿದ ಸಲಹೆ, ಸೂಚನೆಗಳನ್ನು ಪಾಲಿಸಿ.
ಹಸಿ ಬಟ್ಟೆ, ಮೃದುವಾದ ಬಟ್ಟೆಯಿಂದ ಬೇಗನೆ ಸ್ವಚ್ಛ ಮಾಡಬಹುದು.
ಪೀಠೋಪಕರಣಗಳಿಗೆ ಧೂಳು ಬಾರದಂತೆ ಎಚ್ಚರ ವಹಿಸಿ.
ಜೇಡ, ತಿಗಣೆಯಂತಹ ಕಾಟ ಇದ್ದಾಗ, ಅಗತ್ಯ ಸೀಮೆಎಣ್ಣೆ ಹಚ್ಚಿರಿ. ನಂತರ ಬಿಸಿಲಿಗೆ ಪೀಠೋಪಕರಣವನ್ನು ಇಡಿ.
ಕಬ್ಬಿಣದ ಪೀಠೋಪಕರಣಗಳಾದರೆ, ಒದ್ದೆಯಾದ ಬಟ್ಟೆಯಿಂದ ಶುಚಿಗೊಳಿಸಿ. ಕಟ್ಟಿಗೆಯದ್ದಾಗಿದ್ದರೆ, ಮೆತ್ತನೆಯ ಒಣ ಬಟ್ಟೆಯಿಂದ ಒರೆಸಿದರೆ ಸಾಕು.
ಒಂದು ವೇಳೆ ಪೇಸ್ಟ್ ಹಚ್ಚುವ ಸಂದರ್ಭ ಬಂದರೆ, ಮೊದಲು ಪೀಠೋಪಕರಣವನ್ನು ಬಿಸಿಲಿಗೆ ಸಂಪೂರ್ಣವಾಗಿ ಒಣಗಲು ಬಿಡಿ.
ಕಟ್ಟಿಗೆಯ ಪೀಠೋಪಕರಣಗಳಿಗೆ ವರ್ಷಕ್ಕೊಮ್ಮೆಯಾದರೂ ವಾರ್ನಿಷ್ ಹಚ್ಚುತ್ತಿರಿ. ಇದರಿಂದ ಅದರ ಹೊಳಪು ಹೆಚ್ಚುತ್ತೆ.
ಮಳೆಗಾಲ ಮತ್ತು ಚಳಿಗಾಲದಂತಹ ಸಂದರ್ಭದಲ್ಲಿ ಹೊರಗಡೆ ಕಟ್ಟಿಗೆಯ ಪೀಠೋಪಕರಣ ಇಡಬೇಡಿ.
- ಎಚ್ಚೆನ್
