ಇಂದು ಮನೆ ಕಟ್ಟಲಿಕ್ಕೇ ಜಾಗವಿಲ್ಲ, ಇನ್ನು ದೇವಸ್ಥಾನವನ್ನು ಎಲ್ಲಿ ಕಟ್ಟೋದು? ಆದರೆ, ಚೀನಾದಲ್ಲಿ ಕೆಲವು ಬೌದ್ಧರು ಇದಕ್ಕೊಂದು ಮಾರ್ಗೋಪಾಯ ಕಂಡುಕೊಂಡಿದ್ದಾರೆ. ಅಪಾರ್ಟ್ಮೆಂಟಿನ ಮೇಲ್ಭಾಗದಲ್ಲೇ ಸುಂದರ ದೇಗುಲ ನಿರ್ಮಿಸುವುದು. ಅದರ ಸುತ್ತಮುತ್ತ ಮರಗಳನ್ನು ನೆಟ್ಟು, ಒಂದು ಸಾಂಪ್ರದಾಯಿಕ ಹಾಗೂ ನೈಸರ್ಗಿಕ ವಾತಾವರಣವನ್ನು ನಿರ್ಮಿಸುವುದು. ಇಂಥದ್ದೊಂದು ಅಪಾರ್ಟ್ಮೆಂಟನ್ನು ಶೆನ್ಝೆನ್ ಜಿಲ್ಲೆಯ ನಾನ್ಫ್ಯಾಂಗ್ ಎಂಬಲ್ಲಿ ಕಾಣಬಹುದು. 21 ಅಂತಸ್ತಿನ ಅಪಾರ್ಟ್ಮೆಂಟ್ ಇದು. ಜನರ ತಲೆ ಮೇಲೆ ದೇವರು ನಿರಾತಂಕವಾಗಿ ನೆಲೆಸಿದ್ದಾನೆ.
