ಋತುಸ್ರಾವ, ರಜಸ್ವಲೆ, ಬಹಿಷ್ಠೆಯಾಗುವುದು..ಹೀಗೆಲ್ಲಾ ಹೇಳುವುದಕ್ಕಿಂತ ಪೀರಿಯಡ್ಸ್ ಎಂದು ಹೇಳಿದರೆ ಹೆಚ್ಚಿನವರಿಗೆ ಅರ್ಥವಾಗುತ್ತದೆ. ತನ್ನ ತ್ವಚೆಯ ಬಗ್ಗೆ, ಕೂದಲಿನ ಬಗ್ಗೆ, ಮೇಕಪ್ ಬಗ್ಗೆ, ಅಂದ ಚೆಂದ ಬಗ್ಗೆ ಕಾಳಜಿ ವಹಿಸದೇ ಇರುವ ಹೆಣ್ಣು ಮಕ್ಕಳು ಇರಲಿಕ್ಕಿಲ್ಲ. ಚಳಿಗಾಲ ಬಂದರೆ ತ್ವಚೆಗೆ ಏನು ಹಚ್ಚಬೇಕು? ಬೇಸಿಗೆ ಕಾಲದಲ್ಲಿ ಯಾವ ರೀತಿಯ ಬಟ್ಟೆ ಹಾಕಬೇಕು? ಮಳೆಗಾಲದಲ್ಲಿ ಸೋಂಕು ತಗಲದಂತೆ ಹೇಗಿರುವುದು? ಎಂಬುದರ ಬಗ್ಗೆ ಹೆಣ್ಣು ಮಕ್ಕಳು ಯೋಚಿಸುತ್ತಾರೆ. ಆದರೆ ಪೀರಿಯಡ್ಸ್ ಸಮಯದಲ್ಲಿ ದೇಹದ ಶುಚಿತ್ವ ಹೇಗೆ ಕಾಪಾಡಿಕೊಳ್ಳಬೇಕು ಎಂಬುದರ ಬಗ್ಗೆ ಹೆಚ್ಚಿನವರು ತಲೆ ಕೆಡಿಸಿಕೊಂಡಿಲ್ಲ.