ಖಟ್ಮಂಡು: ಹಿಮಾಲಯ ದೇಶ ನೇಪಾಳವನ್ನು ಹಿಂದೂ ರಾಷ್ಟ್ರವಾಗಿ ಘೋಷಿಸುವ ಪ್ರಸ್ತಾವನೆಯನ್ನು ನೇಪಾಳ ಸಂಸದರು ತಿರಸ್ಕರಿಸಿದ್ದಾರೆ. ಏಳು ವರ್ಷಗಳ ಹಿಂದೆ ಜಾತ್ಯಾತೀತತೆಯನ್ನು ಒಪ್ಪಿಕೊಂಡಿದ್ದ ತತ್ವವನ್ನು ವಿಧಾನಸಭೆ ಪುರಸ್ಕರಿಸಿದೆ.
೬೦೧ ಸದಸ್ಯರ ವಿಧಾನ ಸಭೆ, ದೇಶದ ಹೊಸ ಸಂವಿಧಾನದ ಮಾರ್ಗಸೂಚಿ ಸಿದ್ಧಪಡಿಸುವ ಕಾರ್ಯವನ್ನು ಕೈಗೆತ್ತಿಕೊಂಡಿತ್ತು. ಒಂದು ಕಾಲದ ಹಿಂದು ದೇಶ, ಆದರೆ ಮೇ ೨೦೦೮ ರಲ್ಲಿ ಅಪ್ಪಿಕೊಂಡಿದ್ದ ಜಾತ್ಯಾತೀತತೆಯನ್ನು ಎತ್ತಿಹಿಡಿಯಿತು ಎಂದು ಹಿಮಾಲಯನ್ ಟೈಮ್ಸ್ ವರದಿ ಮಾಡಿದೆ.
ರಾಜವಂಶಸ್ಥರ ಆಳ್ವಿಕೆ ಪರವಾಗಿರುವ ರಾಷ್ಟ್ರೀಯ ಪ್ರಜಾಸ್ಥಾನ ಪಕ್ಷದ ಮುಖಂಡ ಕಮಲ್ ಥಾಪ ಮತ್ತು ಅಮೃತ್ ಬೋಹೋರಾ ಸಂವಿಧಾನದಿಂದ ಜಾತ್ಯಾತೀತವಾದ ಪದವನ್ನು ತೆಗೆದುಹಾಕಿ ಹಿಂದೂ ರಾಷ್ಟ್ರ ಎಂದು ಘೋಷಿಸುವಂತೆ ಪಟ್ಟುಹಿಡಿದಿದ್ದರು.
ಆದರೆ ವಿಧಾನಸಭಾ ಅಧ್ಯಕ್ಷ ಸುಭಾಶ್ ಚಂದ್ರ ನೆಂಬಾಂಗ್ ಇದನ್ನು ತಿರಸ್ಕರಿಸಿದ್ದಕ್ಕೆ ಕಮಲ್ ಥಾಪಾ ಮತದಾನಕ್ಕೆ ಆಗ್ರಹಿಸಿದ್ದರು.
ಇದನು ಮತದಾನಕ್ಕೆ ಹಾಕುವ ಪ್ರಸ್ತಾವನೆಗೆ ಕೇವಲ ೨೧ ಸದಸ್ಯರು ಮಾತ್ರ ಆಸಕ್ತಿ ತೋರಿದ್ದರಿಂದ ಮತದಾನದ ಪ್ರಸ್ತಾವನೆಯನ್ನೂ ತಿರಸ್ಕರಿಸಲಾಯಿತು. ಮತದಾನದ ಪ್ರಸ್ತಾವನೆಗೆ ೬೦೧ ಜನರಲ್ಲಿ ಕನಿಷ್ಠ ೬೧ ಸದಸ್ಯರ ಸಹಕಾರ ಅಗತ್ಯವಿತ್ತು.
