ನವದೆಹಲಿ: ಭಾರತ, ನೇಪಾಳ, ಬಾಂಗ್ಲಾದೇಶದ ಮಹಿಳೆಯರನ್ನು ಮದ್ಯಪ್ರಾಚ್ಯ ರಾಷ್ಟ್ರಗಳ ಲೈಂಗಿಕ ಗುಲಾಮಗಿರಿ ಮಾರುಕಟ್ಟೆ ಹಾಗೂ ಸಿರಿಯಾದ ಐಎಸ್ ಉಗ್ರರಿಗೆ ಮಾರಾಟ ಮಾಡಲಾಗುತ್ತಿದೆ ಎಂಬ ಅಂಶ ಬಯಲಾಗಿದೆ.
ಇತ್ತೀಚೆಗಷ್ಟೇ ನೇಪಾಳಿ ಯುವತಿಯರಿಗೆ ಸೌದಿ ಅರೇಬಿಯಾ ರಾಯಭಾರಿ ಕಚೇರಿಯ ಇಬ್ಬರು ನೌಕರರು ಲೈಂಗಿಕ ಕಿರುಕುಳ ನೀಡಿ, ಗ್ಯಾಂಗ್ ರೇಪ್ ನಡೆಸಿದ್ದರು ಎಂಬ ಆರೋಪ ಕೇಳಿಬಂದಿತ್ತು. ಈ ಬೆನ್ನಲ್ಲೇ ಲೈಂಗಿಕ ಗುಲಾಮಗಿರಿ ಮಾರುಕಟ್ಟೆಗೆ ಮಹಿಳೆಯರ ಕಳ್ಳಸಾಗಣೆ ಸಾಗಣೆ ಮಾಡುವುದರಲ್ಲಿ ಏರ್ ಲೈನ್ಸ್ ಹಾಗೂ ವಲಸೆ ಅಧಿಕಾರಿಗಳೂ ಸಹ ಭಾಗಿಯಾಗಿದ್ದು, ನವದೆಹಲಿ, ಮುಂಬೈ, ಕೋಲ್ಕತ್ತಾ ಇವರ ಚಟುವಟಿಗಳ ಕೆಂದ್ರ ಸ್ಥಾನಗಳು ಎಂದು ತಿಳಿದುಬಂದಿದೆ.
ವಿಮಾನ ನಿಲ್ದಾಣಗಳಲ್ಲಿ ನಿಗಾವಹಿಸಲು ವಲಸೆ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ. ಇದಕ್ಕೆ ಪರ್ಯಾಯ ಮಾರ್ಗ ಕಂಡುಕೊಂಡಿರುವ ಮಾನವ ಕಳ್ಳಸಾಗಣೆ ಮಾಡುವವರ ತಂಡ, ಮಹಿಳೆಯರನ್ನು ಮೊದಲು ಶ್ರೀಲಂಕಾಗೆ ಕಳಿಸಿ ಅಲ್ಲಿದ ಥಾಯ್ ಲ್ಯಾಂಡ್ ಬ್ಯಾಂಕಾಕ್ ಗೆ ಕಳಿಸಿ ಅಲ್ಲಿಂದ ಯುಎಇ, ಕುವೈತ್, ಸೌದಿ ಅರೇಬಿಯಾಗೆ ತೆರಳಲು ಅಗತ್ಯವಿರುವ ನಕಲಿ ದಾಖಲೆ ಸೃಷ್ಟಿ ಮಾಡಿ ಕಳ್ಳಸಾಗಣೆ ಮಾಡುತ್ತಿದ್ದರು ಎಂದು ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ವರದಿ ಮಾಡಿದೆ.
ನವದೆಹಲಿ ಮೂಲಕ ಬಾಂಗ್ಲಾದ ಮಹಿಳೆಯರ ಕಳ್ಳಸಾಗಣೆ ನಡೆಯುತ್ತಿರುವುದರ ಬಗ್ಗೆ ಗುಪ್ತಚರ ಸಂಸ್ಥೆ ನವದೆಹಲಿಗೆ ಎಚ್ಚರಿಕೆ ನೀಡಿತ್ತು. ಈ ಕುರಿತು ಭಾರತದ ಭದ್ರತಾ ಸಂಸ್ಥೆಗಳೊಂದಿಗೆ ಮಾತುಕತೆ ನಡೆಸಲು ನೇಪಾಳದ ಹಿರಿಯ ಅಧಿಕಾರೆಯೋಬ್ಬರು ಭಾರತಕ್ಕೆ ಆಗಮಿಸಲಿದ್ದಾರೆ.
Advertisement