ಬಾಗ್ದಾದ್: ಪ್ರತ್ಯೇಕ ಕಾರ್ ಬಾಂಬ್ ದಾಳಿ: 14 ಸಾವು

ಬಾಗ್ದಾದ್: ಇಸ್ಲಾಮಿಕ್ ಸ್ಟೇಟ್ ಆಫ್ ಇರಾಕ್ ಅಂಡ್ ಸಿರಿಯಾ(ಇಸಿಸ್) ಉಗ್ರ ಸಂಘಟನೆ ನಡೆಸಿದ ಎರಡು ಪ್ರತ್ಯಕ ಕಾರ್ ಬಾಂಬ್ ದಾಳಿಯಲ್ಲಿ 14 ಮಂದಿ ಮೃತಪಟ್ಟು ಹಲವು ಮಂದಿ ಗಾಯಗೊಂಡಿರುವ ಘಟನೆ ಬಾಗ್ದಾದ್ ನಲ್ಲಿ ನಡೆದಿದೆ.

ಭದ್ರತಾ ಪಡೆಯನ್ನು ಗುರಿಯಾಗಿರಿಸಿಕೊಂಡು ಇಸಿಸ್ ಉಗ್ರರು ಬಾಗ್ದಾದ್ ನ ಉತ್ತರದಲ್ಲಿರುವ ಆಲ್-ಹಸ್ಸೆನಿಯಾ ಜಿಲ್ಲೆ ತಪಾಸಣೆ ಕೇಂದ್ರದ ಮೇಲೆ ನಡೆಸಿದ ಕಾರ್ ಬಾಂಬ್ ದಾಳಿಯಲ್ಲಿ 9 ಮಂದಿ ಮೃತಪಟ್ಟು 28 ಮಂದಿ ಗಾಯಗೊಂಡಿದ್ದರು.

ಇನ್ನು ಆರಬ್ ಆಲ್ ಜಾಜಲ್ ನಲ್ಲಿ ಸೇನೆಯ ಬೆಂಗಾವಲು ಪಡೆಯನ್ನು ಗುರಿಯಾಗಿಸಿ ಎರಡನೇ ಕಾರ್ ಬಾಂಬ್ ದಾಳಿ ನಡೆಸಿದ್ದು, ಇದರಲ್ಲಿ ಮೂವರು ಮೃತಪಟ್ಟು 11 ಮಂದಿಗೆ ಗಾಯಗೊಂಡಿದ್ದು, ಇದೀಗ ಮತ್ತಿಬ್ಬರು ಮೃತಪಟ್ಟಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.