ಇಸ್ಲಮಾಬಾದ್ : ಪ್ರೀತಿಸಿ ವಿವಾಹವಾದ ಮಗಳನ್ನು ತಾಯಿ ಮತ್ತ ಸಹೋದರ ಜೀವಂತವಾಗಿ ಸುಟ್ಟ ಘಟನೆ ಪಾಕಿಸ್ತಾನದಲ್ಲಿ ನಡೆದಿದೆ. ಪಾಕಿಸ್ತಾನದಲ್ಲಿ ಇತ್ತೀಚೆಗೆ ನಡೆದ ಮರ್ಯಾದೆ ಗೇಡು ಹತ್ಯಾ ಪ್ರಕರಣ ಇದಾಗಿದೆ.
18 ವರ್ಷದ ಜೀನತ್ ಸಾವನ್ನಪ್ಪಿದ ಯುವತಿ, ಪ್ರಕರಣ ಸಂಬಂಧ ಜೀನತ್ ಅವರ ತಾಯಿಯನ್ನು ಬಂಧಿಸಲಾಗಿದೆ. ಅವರ ಸಹೋದರನಿಗಾಗಿ ಹುಡುಕಾಟ ನಡೆಸುತ್ತಿದೆ ಎಂದು ಲಾಹೋರ್ ಪೊಲೀಸ್ರು ತಿಳಿಸಿದ್ದಾರೆ.
ಯುವಕನೊಂದಿಗೆ ಓಡಿ ಹೋಗಿ ಮದುವೆಯಾಗುವ ಮೂಲಕ ಆಕೆ ಕ್ಷಮಿಸಲಾರದ ತಪ್ಪು ಮಾಡಿದ್ದಾಳೆ ಎಂದು ಬಂಧನದಲ್ಲಿರುವ ಜೀನತ್ ತಾಯಿ ಪರ್ವೀನ್ ಹೇಳಿದ್ದಾರೆ. ಇದೇ ವೇಳೆ ತಪ್ಪೊಪ್ಪಿಕೊಂಡಿರುವ ಅವರು, ಮಗ ಈ ಹತ್ಯೆಯಲ್ಲಿ ಭಾಗಿಯಾಗಿಲ್ಲ ಎಂದು ತಿಳಿಸಿದ್ದಾರೆ.
ಜೀನತ್ ಅದೇ ಊರಿನ ಹಸನ್ ಎಂಬುವನನ್ನು ಪ್ರೀತಿಸುತ್ತಿದ್ದಳು. ಮದುವೆಯಾಗಲು ಒಪ್ಪಿಗೆ ನೀಡುವಂತೆ ಇಬ್ಬರೂ ಹೆತ್ತವರ ಬಳಿ ಕೇಳಿಕೊಂಡಿದ್ದರು. ಆದರೆ ಅವರು ಅದಕ್ಕೆ ಸಮ್ಮತಿಸದ ಕಾರಣ ಹಸನ್ ಹಾಗೂ ಜೀನತ್ ಓಡಿ ಹೋಗಿ ಮದುವೆಯಾಗಿದ್ದರು.
ಕೆಲ ದಿನಗಳ ಹಿಂದೆ ತಾಯಿಯನ್ನು ಸಂಪರ್ಕಿಸಿದ್ದ ಜೀನತ್, ಕುಟುಂಬದ ಸದಸ್ಯರ ಒಪ್ಪಿಗೆಯಿಲ್ಲದೇ ಮದುವೆಯಾಗಿದ್ದಕ್ಕೆ ಕ್ಷಮಿಸುವಂತೆ ಕೇಳಿಕೊಂಡಿದ್ದರು. ಆಗ ಪರ್ವೀನ್ ಕ್ಷಮಿಸುವುದಾಗಿ ಹೇಳಿ, ಮನೆಗೆ ಬಂದು ಕುಟುಂಬ ಸದಸ್ಯರ ಆಶೀರ್ವಾದ ಪಡೆದುಕೊಳ್ಳುವಂತೆ ತಿಳಿಸಿದ್ದರು. ಜೀನತ್ ಅವರು ಬುಧವಾರ ತಾಯಿ ಮನೆಗೆ ಬಂದಿದ್ದರು. ಆಗ ತಾಯಿ ಹಾಗೂ ಅಣ್ಣ ಮೊದಲು ಹಿಂಸೆ ನೀಡಿ, ಬಳಿಕ ಡೀಸೆಲ್ ಸುರಿದು ಜೀವಂತವಾಗಿ ಸುಟ್ಟಿದ್ದಾರೆ ಎಂದು ಹೈದರ್ ಹೇಳಿದ್ದಾರೆ.
Advertisement