ಪಾಕಿಸ್ತಾನ ತೀವ್ರವಾದಿ ಜಿಹಾದಿ ಆಡಳಿತ ನಡೆಸುತ್ತಿದೆ: ಅಮೆರಿಕ ಸಂಸದ

ವಾಷಿಂಗ್ ಟನ್: ಪಾಕಿಸ್ತಾನ ತೀವ್ರವಾದಿ ಜಿಹಾದಿ ಆಡಳಿತ ನಡೆಸುತ್ತಿದೆ ಎಂದು ಅಮೆರಿಕ ಸಂಸದರೋಬ್ಬರು ಎಚ್ಚರಿಸಿದ್ದು, ಇದನ್ನೇ ಮುಂದುವರೆಸಿದರೆ 1971 ರಲ್ಲಿ ನಡೆದ ಪಾಕಿಸ್ತಾನ ವಿಭಜನೆ ಮತೊಮ್ಮೆ ನಡೆಯಬಹುದಾದ ಸಂಭವವಿದೆ ಎಂದು ಎಚ್ಚರಿಸಿದ್ದಾರೆ.

ಬೇರೆ ಸಂಸ್ಕೃತಿಗಳ ಮೇಲೆ ದಾಳಿ ನಡೆಸಿ ಪಾಕಿಸ್ತಾನವನ್ನು ಸುಭದ್ರವಾಗಿ ಉಳಿಸಿಕೊಳ್ಳಬಹುದು ಎಂಬ ಭಾವನೆಯಲ್ಲಿರುವವರು ಢಾಕೆಗೆ ಒಮ್ಮೆ ಭೇಟಿ ನೀಡಬೇಕು ಎಂದು ಅಮೆರಿಕ ಸಂಸದ ಬ್ರಾಡ್ ಶೆರ್ಮನ್ ಸಲಹೆ ನೀಡಿದ್ದಾರೆ. ಸಿಂಧಿ ಫೌಂಡೇಶನ್ ನ ಕಾರ್ಯಕ್ರಮವೊಂದನ್ನು ಉದ್ದೇಶಿಸಿ ಮಾತನಾಡಿದ ಶೆರ್ಮನ್, ಪಾಕಿಸ್ತಾನದ ಸರ್ಕಾರಗಳು, ಪ್ರಮುಖವಾಗಿ ಈಗಿನ ಸರ್ಕಾರ ಸಿಂಧಿಯ ಶ್ರೀಮಂತರ ಸಂಸ್ಕೃತಿಯನ್ನು ವ್ಯವಸ್ಥಿತವಾಗಿ ನಾಶ ಮಾಡಲು ಯತ್ನಿಸಿವೆ ಎಂದು ಹೇಳಿದ್ದಾರೆ. ಸಿಂಧಿಗಳ ಸಂಸ್ಕೃತಿ, ಭಾಷೆಯನ್ನು ನಾಶ ಮಾಡಲು ಪಾಕಿಸ್ತಾನ ಆಡಳಿತವನ್ನು ಬಳಸಿಕೊಳ್ಳುತ್ತಿದೆ, ಪಾಕಿಸ್ತಾನ ಒಂದು ವೇಳೆ ತಾನು ಬೇರೆ ಸಂಸ್ಕೃತಿಗಳನ್ನು ನಾಶಗೊಳಿಸಿ ತನ್ನ ಪ್ರಾಂತ್ಯವನ್ನು ವಿಸ್ತರಿಸಬಹುದು ಎಂದುಕೊಳ್ಳುತ್ತಿದ್ದರೆ ಢಾಕಾವನ್ನೊಮ್ಮೆ ನೋಡಲಿ ಎಂದು ಹೇಳುವ ಮೂಲಕ ಪಾಕಿಸ್ತಾನ ಭಯೋತ್ಪಾದನೆಯನ್ನು ಮುಂದುವರೆಸಿದರೆ ಮತ್ತೊಂದು ವಿಭಜನೆ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ ಎಂಬ ಸಂದೇಶ ನೀಡಿದ್ದಾರೆ ಅಮೆರಿಕ ಸಂಸದ ಬ್ರಾಡ್ ಶೆರ್ಮನ್.