ಈಜಿಪ್ಟ್ ನ ಮಸೀದಿ ಮೇಲಿನ ದಾಳಿ ಅತ್ಯಂತ ಹೇಯ ಕೃತ್ಯ: ಭಾರತ ಖಂಡನೆ

ಈಜಿಪ್ಟ್ ನ ಮಸೀದಿ ಮೇಲೆ ನಡೆದ ದಾಳಿಯನ್ನು ಭಾರತ ಉಗ್ರವಾಗಿ ಖಂಡಿಸಿದ್ದು ಇದೊಂದು ಭಯೋತ್ಪಾದಕರ ಅತ್ಯಂತ ಹೇಯ ಕೃತ್ಯ ಎಂದು ಬಣ್ಣಿಸಿದೆ...

ವಿದೇಶಾಂಗ ವ್ಯವಹಾರಗಳ ಇಲಾಖೆ ವಕ್ತಾರ ರವೀಶ್ ಕುಮಾರ್

Updated on:

25 Nov 2017, 4:41 am

ನವದೆಹಲಿ: ಈಜಿಪ್ಟ್ ನ ಮಸೀದಿ ಮೇಲೆ ನಡೆದ ದಾಳಿಯನ್ನು ಭಾರತ ಉಗ್ರವಾಗಿ ಖಂಡಿಸಿದ್ದು ಇದೊಂದು ಭಯೋತ್ಪಾದಕರ ಅತ್ಯಂತ ಹೇಯ ಕೃತ್ಯ ಎಂದು ಬಣ್ಣಿಸಿದೆ.

ನಿನ್ನೆ ಸಾಯಂಕಾಲ ಈಜಿಪ್ಟ್ ನ ಉತ್ತರ ಸಿನೈ, ಬಿರ್-ಅಲ್-ಅಬೆಡ್ ನ ಮಸೀದಿ ಮೇಲೆ ಉಗ್ರಗಾಮಿಗಳು ನಡೆಸಿದ ದಾಳಿಯಲ್ಲಿ 200ಕ್ಕೂ ಅಧಿಕ ಮುಗ್ಧ ನಾಗರಿಕರು ಮೃತಪಟ್ಟಿದ್ದು ಇದೊಂದು ಹೇಯ ಕೃತ್ಯವಾಗಿದೆ. ಈ ಸಂದರ್ಭದಲ್ಲಿ ಭಾತ ಸರ್ಕಾರ ಈಜಿಪ್ಟ್ ಸರ್ಕಾರದ ನೆರವಿಗೆ ನಿಲ್ಲುತ್ತದೆ ಎಂದು ವಿದೇಶಾಂಗ ವ್ಯವಹಾರಗಳ ಇಲಾಖೆ ವಕ್ತಾರ ರವೀಶ್ ಕುಮಾರ್ ಟ್ವೀಟ್ ಮಾಡಿದ್ದಾರೆ.

ದಾಳಿಯಲ್ಲಿ ಮೃತಪಟ್ಟ ಕುಟುಂಬದವರಿಗೆ ತೀವ್ರ ಸಂತಾಪ ಸೂಚಿಸಿರುವ ಭಾರತ ಭಯೋತ್ಪಾದನೆ ವಿರುದ್ಧ ಜಾಗತಿಕ ಮಟ್ಟದಲ್ಲಿ ಹೋರಾಡಲು ಕಾರ್ಯತಂತ್ರ ರೂಪಿಸುವ ಅಗತ್ಯವಿದೆ ಎಂಬುದನ್ನು ಈ ಘಟನೆ ಮತ್ತೊಮ್ಮೆ ನೆನಪಿಸುತ್ತದೆ ಎಂದು ಅವರು ಹೇಳಿದ್ದಾರೆ.

ನಿನ್ನೆ ಸಾಯಂಕಾಲ ಈಜಿಪ್ಟ್ ನ ಉತ್ತರ ಸಿನೈ ದ್ವೀಪದಲ್ಲಿ ಮಸೀದಿಯೊಂದರಲ್ಲಿ ಅಪಾರ ಸಂಖ್ಯೆಯಲ್ಲಿ ನಾಗರಿಕರು ಪ್ರಾರ್ಥನೆ ಸಲ್ಲಿಸಲು ಜಮಾಯಿಸಿದ್ದ ವೇಳೆ ಬಾಂಬ್ ಸ್ಫೋಟಗೊಂಡಿತು. ಬಾಂಬ್ ಸ್ಫೋಟಗೊಂಡ ಕೂಡಲೇ ಕಾರಿನಲ್ಲಿ ಆಗಮಿಸಿದ ಬಂದೂಕು ಶಸ್ತ್ರಧಾರಿಗಳು ಸೇರಿದ್ದ ಜನರ ಗುಂಪಿನ ಮೇಲೆ ಗುಂಡಿನ ಮಳೆಗರೆದು ನಾಪತ್ತೆಯಾದರು.

ಪ್ರಾರ್ಥನೆಗೆ ಬಂದ ಹೆಚ್ಚಿನವರು ಭದ್ರತಾ ಪಡೆ ಯೋಧರ ಕುಟುಂಬದವರು ಮತ್ತು ಸ್ನೇಹಿತರಾಗಿದ್ದರು. ಗಾಯಗೊಂಡವರನ್ನು ತಕ್ಷಣವೇ ಆಸ್ಪತ್ರೆಗೆ ಸೇರಿಸಲಾಯಿತು.

ಇದುವರೆಗೆ ದಾಳಿಯ ಹೊಣೆಯನ್ನು ಯಾವುದೇ ಉಗ್ರಗಾಮಿ ಸಂಘಟನೆ ಹೊತ್ತುಕೊಂಡಿಲ್ಲ.

Government of Indian strongly condemns the heinous act of
terrorism that has claimed innocent lives in Bir-al-Abed, North Sinai in Egypt today. In this hour of tragedy, the goverment and the people of India stand by the government and the people of Egypt./1
— Raveesh Kumar (@MEAIndia) November 24, 2017

We offer our deepest condolences to the families and friends of those affected in this attack.
This incident is another stark reminder of the need to develop a global strategy to fight this menace of terrorism./2
— Raveesh Kumar (@MEAIndia) November 24, 2017