ನ್ಯಾಟೋ ಮಿತ್ರ ರಾಷ್ಟ್ರಗಳ ಪ್ರಮುಖರು ಪಾಲ್ಗೊಂಡಿರುವ 2 ದಿನಗಳ ನ್ಯಾಟೋ ಶೃಂಗಸಭೆ ಕೆಲ ಬಿಸಿ ಬಿಸಿ ಘಟನೆಗಳಿಗೆ ಸಾಕ್ಷಿಯಾಗಿದೆ. ರಷ್ಯಾ ವಿಚಾರಕ್ಕೆ ಸಂಬಂಧಿಸಿದಂತೆ ಜರ್ಮನಿ ವಿರುದ್ಧ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸಭೆಯಲ್ಲಿ ತೀವ್ರ ಗರಂ ಆಗಿದ್ದರು. ಸಭೆಯಲ್ಲಿ ಮಾತನಾಡಿದ ಅವರು, ಜರ್ಮನಿ ರಷ್ಯಾ ಅಧೀನದಲ್ಲಿದ್ದು, ರಷ್ಯಾ ಅಡಿಯಾಳಿನಂತ ವರ್ತಿಸುತ್ತಿದೆ ಎಂದು ತೀವ್ರ ಟೀಕಾ ಪ್ರಹಾರ ನಡೆಸಿದರು. ಅಲ್ಲದೆ ಕೂಡಲೇ ಜರ್ಮನಿ ತನ್ನ ರಕ್ಷಣಾ ವೆಚ್ಚದ ಕುರಿತು ಕೂಡಲೇ ಗಮನ ಹರಿಸುವ ಅಗತ್ಯವಿದೆ ಎಂದು ಟೀಕಿಸಿದರು.
