ಈ ಬಗ್ಗೆ ಮಾಹಿತಿ ನೀಡಿರುವ ಸಿಐಎ ಉಪ ನಿರ್ದೇಶಕ ಮೈಕೆಲ್ ಕೊಲ್ಲಿನ್ಸ್ ಅವರು, ಬೀಜಿಂಗ್ ನೇರವಾಗಿ ಯುದ್ಧ ಮಾಡಲು ಮುಂದಾಗದೇ ಪರೋಕ್ಷವಾಗಿ ನಮ್ಮ ಆದಾಯದ ವಾಣಿಜ್ಯ ಮೂಲಗಳ ಮೇಲೆ ಕಣ್ಣಿಟ್ಟಿದೆ. ಪ್ರಮುಖವಾಗಿ ಚೀನಾ ರಷ್ಯಾದೊಂದಿಗಿನ ತನ್ನ ವಾಣಿಜ್ಯ ವಹಿವಾಟನ್ನು ದ್ವಿಗುಣಗೊಳಿಸಿಕೊಂಡಿದ್ದು, ಅಮೆರಿಕದ ವಾಣಿಜ್ಯ ರಹಸ್ಯಗಳನ್ನು ತಿಳಿದುಕೊಳ್ಳಲು ಚೀನಾ ಸದಾಕಾಲ ಯತ್ನಿಸುತ್ತಿರುತ್ತದೆ ಎಂದು ಹೇಳಿದರು. ಅಂತೆಯೇ ವಾಣಿಜ್ಯಾತ್ಮಕವಾಗಿ ಮಾತ್ರವಲ್ಲದೇ ಚೀನಾ ದೇಶ ತನ್ನ ಸೇನೆಯನ್ನೂ ಅಧುನೀಕರಣಗೊಳಿಸುತ್ತಿದೆ. ಚೀನಾ ಮಾತ್ರವಲ್ಲದೇ ವಿಶ್ವದ ಇತರೆ ರಾಷ್ಟ್ರಗಳೂ ಕೂಡ ಸೇನೆಯ ಆಧುನೀಕರಣದತ್ತ ದಾಪುಗಾಲಿರಿಸಿವೆ. ದಕ್ಷಿಣ ಚೀನಾ ಸಮುದ್ರಲ್ಲಿ ಚೀನಾ ದೇಶ ಅನಧಿಕೃತವಾಗಿ ದ್ವೀಪಗಳನ್ನು ಸೃಷ್ಟಿ ಮಾಡಿದ್ದು ಮಾತ್ರವಲ್ಲದೇ ಅಲ್ಲಿ ತನ್ನ ಸೈನಿಕ ಕಾಮಗಾರಿಗಳನ್ನು ನಡೆಸುತ್ತಿದೆ ಎಂದು ಅವರು ಮಾಹಿತಿ ನೀಡಿದರು.
