ಸೌದಿ ಅರೇಬಿಯಾದ ಸ್ನೇಹಿತ ರಾಷ್ಟ್ರ ಎಂದೇ ಗುರುತಿಸಲಾಗಿದ್ದ ಅಮೆರಿಕ ಕೂಡ ಖಶೋಗಿ ನಾಪತ್ತೆ ವಿಷಯದಲ್ಲಿ ಗಂಭೀರ ನಡೆ ಪ್ರದರ್ಶಿಸಿತ್ತು. ಪತ್ರಕರ್ತ ಖಶೋಗಿ ನಾಪತ್ತೆ ಪ್ರಕರಣವನ್ನು ಸೌದಿ ಸರ್ಕಾರ ಗಂಭೀರವಾಗಿ ಪರಿಗಣಿಸಬೇಕು ಎಂದು ಒತ್ತಡ ಹೇರಿತ್ತು. ಆದರೆ ಸೌದಿ ಅಧಿಕಾರಿಗಳು ಮಾತ್ರ ಖಶೋಗಿ ಬಗ್ಗೆ ಏನೂ ತಿಳಿದಿಲ್ಲ ಎಂದೇ ಹೇಳುತ್ತಿದ್ದರು. ಒಂದೊಮ್ಮೆ ಪತ್ರಕರ್ತನ ಕೊಲೆಯಾಗಿದ್ದರೆ ಕಠಿಣ ನಿರ್ಬಂಧಗಳನ್ನು ಹೇರಬೇಕಾಗುತ್ತದೆ ಎಂದು ಅಮೆರಿಕ ಎಚ್ಚರಿಸಿತ್ತು. ಆದರೆ, ಖಶೋಗಿ ಸಾವಿನ ಸುದ್ದಿ ಕೇಳಿದ ಬಳಿಕ ಸಂತಾಪ ಮಾತ್ರ ವ್ಯಕ್ತಪಡಿಸಿರುವ ಅಮೆರಿಕ ಸೌದಿ ವಿರುದ್ಧ ಕ್ರಮ ಕೈಗೊಳ್ಳುವ ಬಗ್ಗೆ ಯಾವುದೇ ಸೂಚನೆ ನೀಡಿಲ್ಲ.
