ವಾಷಿಂಗ್ಟನ್: ಚೀನಾ ಸರ್ಕಾರ ದಿಢೀರನೇ ತನ್ನ ದೇಶದಲ್ಲಾದ ಕೊರೋನಾ ವೈರಸ್ ಸಾವಿನ ಸಂಖ್ಯೆ ಪರಿಷ್ಕರಿಸಿದ ಬೆನ್ನಲ್ಲೇ ಈ ಸಂಬಂಧ ಪ್ರತಿಕ್ರಿಯೆ ನೀಡಿರುವ ವಿಶ್ವ ಆರೋಗ್ಯ ಸಂಸ್ಥೆ ಎಲ್ಲ ದೇಶಗಳೂ ಈ ಸಮಸ್ಯೆ ಎದುರಿಸುತ್ತಿವೆ ಎಂದು ಹೇಳಿದೆ.
ನಿನ್ನೆಯಷ್ಟೇ ಕೊರೋನಾ ವೈರಸ್ ಮೂಲ ಸ್ಥಾನ ಚೀನಾದ ಹುಬೈ ಪ್ರಾಂತ್ಯದ ವುಹಾನ್ ನಲ್ಲಿ ಕೊರೋನಾ ವೈರಸ್ ನಿಂದ ಸಾವಿಗೀಡಾದವರ ಸಂಖ್ಯೆಯನ್ನು ಪರಿಷ್ಕರಿಸಲಾಗಿತ್ತು. ವುಹಾನ್ ಆಡಳಿತ ವೈರಸ್ ಸೋಂಕಿತರ ಸಾವಿನ ಪ್ರಮಾಣದಲ್ಲಿ ಶೇ.50ರಷ್ಟು ಏರಿಕೆ ಮಾಡಿತ್ತು. ಸಾವನ್ನಪ್ಪಿದವರ ಪಟ್ಟಿಗೆ ಸರಿ ಸುಮಾರು 1,290 ಸೋಂಕಿತರನ್ನು ಸೇರಿಸಿತ್ತು. ಇದು ವಿಶ್ವಾದ್ಯಂತ ತೀವ್ರ ಚರ್ಚೆಗೆ ಗ್ರಾಸವಾಗಿತ್ತು. ಚೀನಾ ತನ್ನ ದೇಶದಲ್ಲಿನ ಸಾವಿನ ಸಂಖ್ಯೆಯನ್ನು ಮರೆಮಾಚುತ್ತಿದೆ ಎಂಬ ಊಹಾಪೋಹಗಳಿಗೆ ಎಡೆ ಮಾಡಿಕೊಟ್ಟಿದೆ.
ಇದೇ ವಿಚಾರವಾಗಿ ಇಂದು ಪ್ರತಿಕ್ರಿಯೆ ನೀಡಿರುವ ವಿಶ್ವ ಆರೋಗ್ಯ ಸಂಸ್ಥೆ ಈ ಸಮಸ್ಯೆ ವಿಶ್ವದ ಎಲ್ಲ ದೇಶಗಳನ್ನೂ ಕಾಡುತ್ತಿದೆ. ಸಾಂಕ್ರಾಮಿಕ ಪಿಡುಗಿನ ಸಂದರ್ಭದಲ್ಲಿ ಪ್ರತೀಯೊಂದು ಪ್ರಾಂತ್ಯಗಳ ಪ್ರತೀಯೊಂದು ಸಾವನ್ನೂ ಲೆಕ್ಕ ಹಾಕುವುದು ಮತ್ತು ಸ್ಪಷ್ಟನೆ ಪಡೆಯುವುದು ಕಷ್ಟದಕೆಲಸ. ಕೊರೋನಾ ವೈರಸ್ ಸರ್ಕಾರಗಳಿಗೆ ದಿನಕ್ಕೊಂದು ಹೊಸ ತಲೆನೋವು ಸಷ್ಟಿ ಮಾಡುತ್ತಿದೆ. ಎಲ್ಲ ಸಾವುಗಳೂ ಕೊರೋನಾದಿಂದಲೇ ಸಂಭವಿಸಿದೆಯೇ ಎಂಬುದುನ್ನು ಪರಿಶೀಲಿಸಬೇಕು. ಈ ಪ್ರಕ್ರಿಯೆಯಲ್ಲಿ ನಿಖರ ಸಂಖ್ಯೆ ನೀಡಲು ಸಾಧ್ಯವಿಲ್ಲ. ಕೊರೋನಾ ಪೀಡಿತ ಎಲ್ಲ ದೇಶಗಳಲ್ಲೂ ಈ ಸಮಸ್ಯೆ ಸಾಮಾನ್ಯವಾಗಿದೆ. ಕೆಲ ರೋಗಿಗಳು ಮನೆಯಲ್ಲೇ ಸಾವನ್ನಪ್ಪಿದ್ದಾರೆ. ಕೆಲ ರೋಗಿಗಳ ಸಾವನ್ನು ಅವರ ಕುಟುಂಬಸ್ಥರು ಮುಚ್ಚಿಟ್ಟಿರುತ್ತಾರೆ. ಇಂತಹ ಸಂದರ್ಭಗಳಲ್ಲಿ ನಿಖರ ಮಾಹಿತಿ ಅಸಾಧ್ಯ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಾಂತ್ರಿಕ ವಿಭಾಗದ ಮುಖ್ಯಸ್ಥರಾದ ಮರಿಯಾ ವ್ಯಾನ್ ಕೆರ್ಖೋವೆ ಹೇಳಿದ್ದಾರೆ.
ಇನ್ನು ವುಹಾನ್ ನಲ್ಲಿ ಕೊರೋನಾ ವೈರಸ್ ನಿಂದ ಸಾವಿಗೀಡಾದವರ ಸಂಖ್ಯೆಯನ್ನು ಪರಿಷ್ಕರಿಸಲಾಗಿತ್ತು. ವುಹಾನ್ ಆಡಳಿತ ವೈರಸ್ ಸೋಂಕಿತರ ಸಾವಿನ ಪ್ರಮಾಣದಲ್ಲಿ ಶೇ.50ರಷ್ಟು ಏರಿಕೆ ಮಾಡಿತ್ತು. ಸಾವನ್ನಪ್ಪಿದವರ ಪಟ್ಟಿಗೆ ಸರಿ ಸುಮಾರು 1,290 ಸೋಂಕಿತರನ್ನು ಸೇರಿಸಿತ್ತು. ಅಲ್ಲದೆ ಸೋಂಕಿತರ ಸಂಖ್ಯೆ ಕೂಡ 3,869ಕ್ಕೆ ಏರಿಕೆ ಮಾಡಿತ್ತು. ಆ ಮೂಲಕ ಹುಬೈ ಪ್ರಾಂತ್ಯದಲ್ಲಿ ಸೋಂಕಿತರ ಸಂಖ್ಯೆ 50,333 ಏರಿಕೆಯಾಗಿದೆ.
