ನೇಪಾಳ ಪ್ರಧಾನಿ ಒಲಿಗೆ ಭಾರೀ ಹಿನ್ನೆಡೆ: ಸಂಸದೀಯ ನಾಯಕ ಸ್ಥಾನಕ್ಕೆ ಪುಷ್ಪ ಕಮಲ್‌ ದಹಲ್‌ ಆಯ್ಕೆ

ಕಠ್ಮಂಡು: ನೇಪಾಳ ಕಮ್ಯುನಿಸ್ಟ್ ಪಕ್ಷದ (ಎನ್‌ಸಿಪಿ) ದಹಲ್‌-ನೇಪಾಳ ಬಣವು ಪುಷ್ಪ ಕಮಲ್‌ ದಹಲ್‌ 'ಪ್ರಚಂಡ' ಅವರನ್ನು ತಮ್ಮ ಸಂಸದೀಯ ನಾಯಕರನ್ನಾಗಿ ಆಯ್ಕೆ ಮಾಡಿದೆ.

ನ್ಯೂ ಬನೇಶ್ವರ ಸಂಸತ್ ಕಟ್ಟಡದಲ್ಲಿ ಬುಧವಾರ ನಡೆದ ಪಕ್ಷದ ದಹಲ್‌-ನೇಪಾಳ ಬಣದ ಮುಖಂಡರ ಸಭೆ ಈ ನಿಟ್ಟಿನಲ್ಲಿ ನಿರ್ಧಾರ ಕೈಗೊಂಡಿದ್ದು, ಕೆ ಪಿ ಓಲಿಯನ್ನು ಪಕ್ಷದ ಸಂಸದೀಯ ನಾಯಕ ಸ್ಥಾನದಿಂದ ಉಚ್ಚಾಟಿಸಿದೆ, ಆ ಸ್ಥಾನಕ್ಕೆ ಪುಷ್ಪ ಕಮಲ್‌ ದಹಲ್‌ಲ್ ಅವರನ್ನು ನಾಮನಿರ್ದೇಶನ ಮಾಡಲು ಹಿರಿಯ ನಾಯಕ ಮಾಧವ್ ಕುಮಾರ್ ನೇಪಾಳ ಪ್ರಸ್ತಾಪವನ್ನಿಟ್ಟ ನಂತರ ಎಲ್ಲಾ ನಾಯಕರು ಸರ್ವಾನುಮತದಿಂದ ಅವರ ನಿರ್ಧಾರಕ್ಕೆ ಅನುಮೋದನೆ ನೀಡಿದ್ದಾರೆ.

ದಹಲ್-ನೇಪಾಳ ಬಣ ಈ ಹಿಂದೆ ಮಾಧವ್ ಕುಮಾರ್ ನೇಪಾಳ ಅವರನ್ನು ಅಧ್ಯಕ್ಷರನ್ನಾಗಿ ನೇಮಿಸಿತ್ತು. ದಹಲ್ ಮತ್ತು ಮಾಧವ್ ಕುಮಾರ್ ಇಬ್ಬರೂ ಈಗ ಹೊಸದಾಗಿ ರೂಪುಗೊಂಡ ಪಕ್ಷದ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಲಿದ್ದಾರೆ.