ನವದೆಹಲಿ: ಓಲಾ ಸಂಸ್ಥೆ ಇ-ಬೈಕ್ ಬಿಡುಗಡೆ ಮಾಡಿದ ಕೆಲವೇ ತಿಂಗಳ ಅಂತರದಲ್ಲಿ ಬೈಕ್ ರೈಡ್ ಸೇವಾ ಸಂಸ್ಥೆ ಬೌನ್ಸ್ ಕೂಡ ತನ್ನ ಅಗ್ಗದ ಬೆಲೆಯ ಇ-ಬೈಕ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

ಬೌನ್ಸ್ ಸಂಸ್ಥೆ ಗುರುವಾರ ತನ್ನ ಮೊದಲ ಗ್ರಾಹಕ ಎಲೆಕ್ಟ್ರಿಕ್ ಸ್ಕೂಟರ್, ಬೌನ್ಸ್ ಇನ್ಫಿನಿಟಿ E1 ಅನ್ನು ಅನಾವರಣಗೊಳಿಸಿದ್ದು, ಈ ಬೈಕ್ ನ ಬ್ಯಾಟರಿ ಮತ್ತು ಚಾರ್ಜರ್ ಸೇರಿದಂತೆ ಇದರ ಬೆಲೆ ರೂ 68,999 ರೂ ಮತ್ತು ಬೌನ್ಸ್ ಇನ್ಫಿನಿಟಿ E1 ಅನ್ನು 'ಬ್ಯಾಟರಿ ಆಸ್ ಎ ಸರ್ವಿಸ್' ಆಯ್ಕೆಯೊಂದಿಗೆ ನೀಡಲಾಗುವುದು.. ಈ ಮಾದರಿಯ ಬೆಲೆ 45,099 ರೂ. ಇರಲಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ.

ಇದನ್ನೂ ಓದಿ: ಬಜಾಜ್ ಪಲ್ಸರ್, ಹೊಂಡಾಗೆ ಸಡ್ಡು: 'ರೈಡರ್' ಬೈಕ್ ಲಾಂಚ್ ಮಾಡಿದ ಟಿವಿಎಸ್!; ಬೆಲೆ ಮತ್ತು ಇತರೆ ಮಾಹಿತಿ ಇಲ್ಲಿದೆ

ಅಂತೆಯೇ ಬೌನ್ಸ್‌ನ ವಿಸ್ತಾರವಾದ ಸ್ವಾಪಿಂಗ್ ನೆಟ್‌ವರ್ಕ್‌ನಿಂದ ಸಂಪೂರ್ಣ ಚಾರ್ಜ್ ಆಗಿರುವ ಬ್ಯಾಟರಿಯೊಂದಿಗೆ ಖಾಲಿ ಬ್ಯಾಟರಿಯನ್ನು ವಿನಿಮಯ ಮಾಡಿಕೊಂಡಾಗಲೆಲ್ಲಾ ಗ್ರಾಹಕರು ಬ್ಯಾಟರಿ ವಿನಿಮಯಕ್ಕಾಗಿ ಪಾವತಿಸಬಹುದು. ಇದು ಸಾಂಪ್ರದಾಯಿಕ ಸ್ಕೂಟರ್‌ಗಳಿಗೆ ಹೋಲಿಸಿದರೆ 40 ಪ್ರತಿಶತದಷ್ಟು ಸ್ಕೂಟರ್‌ನ ನಿರ್ವಹಣಾ ವೆಚ್ಚವನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ ಎಂದು ಬೌನ್ಸ್‌ನ ಸಿಇಒ ಮತ್ತು ಸಹ-ಸಂಸ್ಥಾಪಕ ವಿವೇಕಾನಂದ ಹಲ್ಲೇಕೆರೆ ಹೇಳಿದ್ದಾರೆ.

ಇದನ್ನೂ ಓದಿ: ಮಾರುತಿ ಸುಜುಕಿಯ ಹೊಸ ಸೆಲೆರಿಯೊ ಮಾರುಕಟ್ಟೆಗೆ ಬಿಡುಗಡೆ, ಬೆಲೆ ರೂ. 4.99 ಲಕ್ಷ

ಬೌನ್ಸ್ ಇನ್ಫಿನಿಟಿ E1 ಅನ್ನು ಬ್ಯಾಟರಿಯೊಂದಿಗೆ ಸಹ ನೀಡಲಾಗುವುದು, ಇದನ್ನು ಈ ಬ್ಯಾಟರಿಯನ್ನು ಸ್ಕೂಟರ್‌ನಿಂದ ತೆಗೆದುಹಾಕಬಹುದು ಮತ್ತು ಗ್ರಾಹಕರು ತಮ್ಮ ಮನೆ ಅಥವಾ ಕಚೇರಿಯಲ್ಲಿ ಅಥವಾ ಅನುಕೂಲಕರ ಸ್ಥಳದಲ್ಲಿ ಚಾರ್ಜ್ ಮಾಡಬಹುದು. ಪ್ರಮುಖ ಪಾಲುದಾರಿಕೆಗಳ ಮೂಲಕ ಬೌನ್ಸ್ ವ್ಯಾಪಕವಾದ ಬ್ಯಾಟರಿ-ಸ್ವಾಪಿಂಗ್ ನೆಟ್‌ವರ್ಕ್ ಅನ್ನು ಸ್ಥಾಪಿಸುತ್ತಿದೆ, ಇದು ತನ್ನ ಚಿಲ್ಲರೆ ಗ್ರಾಹಕರು ಮತ್ತು ಅದರ ಸವಾರಿ-ಹಂಚಿಕೆ ವ್ಯವಹಾರ ಎರಡಕ್ಕೂ ಸೇವೆ ಸಲ್ಲಿಸುತ್ತದೆ. ಕ್ಲೀನ್ ಮೊಬಿಲಿಟಿಗೆ ಭಾರತದ ಪರಿವರ್ತನೆಯನ್ನು ಬೆಂಬಲಿಸಲು ವಿಶ್ವದ ಅತಿದೊಡ್ಡ ಮತ್ತು ದಟ್ಟವಾದ ಬ್ಯಾಟರಿ ವಿನಿಮಯ ವೇದಿಕೆಯನ್ನು ನಿರ್ಮಿಸುವುದು ನಮ್ಮ ಮಹತ್ವಾಕಾಂಕ್ಷೆಯಾಗಿದೆ. ಗ್ರಾಹಕರಿಗೆ ಒಂದು ಕಿಲೋಮೀಟರ್ ದೂರದಲ್ಲಿ ವಿನಿಮಯ ಸೌಲಭ್ಯವನ್ನು ನೀಡುತ್ತದೆ ಎಂದು ಹಲ್ಲೇಕೆರೆ ಹೇಳಿದ್ದಾರೆ.