ಬಾಲಿವುಡ್'ನ ಮಾದಕ ನಟಿ ಮಲ್ಲಿಕಾ ಶರಾವತ್
ಮುಂಬೈ; ಪ್ಯಾರಿಸ್'ನಲ್ಲಿರುವ ಫ್ಲ್ಯಾಟ್ ನಿಂದ ಹೊರಹಾಕಲಾಗಿದೆ ಎಂಬ ವದಂತಿಗಳನ್ನು ತಳ್ಳಿಹಾಕಿರುವ ಬಾಲಿವುಡ್'ನ ಮಾದಕ ನಟಿ ಮಲ್ಲಿಕಾ ಶರಾವತ್ ಅವರು, ಪ್ಯಾರಿಸ್ ನಲ್ಲಿ ನಾನು ಯಾವುದೇ ರೀತಿಯ ಸ್ವಂತ ಅಥವಾ ಬಾಡಿಗೆಯ ಫ್ಲ್ಯಾಟ್'ನ್ನು ಹೊಂದಿಲ್ಲ ಎಂದು ಬುಧವಾರ ಸ್ಪಷ್ಟಪಡಿಸಿದ್ದಾರೆ.
ವದಂತಿ ಕುರಿತಂತೆ ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಸ್ಪಷ್ಟಪಡಿಸಿರುವ ಅವರು, ನಾನು ಈ ಹಿಂದೆ ಕೂಡ ಹೇಳಿದ್ದೆ, ಈಗಲೂ ಹೇಳುತ್ತಿದ್ದೇನೆ, ಪ್ಯಾರಿಸ್ ನಲ್ಲಿ ನಾನು ಯಾವುದೇ ರೀತಿಯ ಸ್ವಂತ ಅಥವಾ ಬಾಡಿಗೆಯ ಫ್ಲ್ಯಾಟ್'ನ್ನು ಹೊಂದಿಲ್ಲ. ಕಳೆದ 8 ತಿಂಗಳಿಂದಲೂ ನಾನು ಲಾಸ್ ಏಂಜಲೀಸ್ ಹಾಗೂ ಭಾರತದಲ್ಲಿಯೇ ಇದ್ದೇನೆಂದು ಹೇಳಿದ್ದಾರೆ.
ಪ್ಯಾರಿಸ್ ನಲ್ಲಿ ನಾನು ವಾಸಿಸುತ್ತಿಲ್ಲ, ದಯವಿಟ್ಟು ವದಂತಿಗಳನ್ನು ಹಬ್ಬಿಸುವುದನ್ನು ನಿಲ್ಲಿಸಿ ಎಂದು ತಿಳಿಸಿದ್ದಾರೆ.
ಬಾಡಿಗೆ ಬಾಕಿ ಉಳಿಸಿಕೊಂಡ ಕಾರಣಕ್ಕೆ ಮಲ್ಲಿಕಾ ಶರಾವತ್'ಗೆ ಅಪಾರ್ಟ್'ಮೆಂಟ್ ತೆರವುಗೊಳಿಸುವಂತೆ ನ್ಯಾಯಾಲಯ ಆದೇಶಿಸಿದೆ ಎಂದು ಈ ಹಿಂದೆ ಹೇಳಲಾಗುತ್ತಿತ್ತು.
2017 ಜ.1ರಂದು ರೂ.4.59 ಲಕ್ಷ ಮಾಸಿಕ ಹಣಕ್ಕೆ ಅಪಾರ್ಟ್'ಮೆಂಟ್'ನ್ನು ಶರಾವತ್ ಮತ್ತು ಪತ್ನಿ ಸೈಕ್ರಿಲ್ಲೆ ಆಕ್ಸೆಫಾನ್ಸ್ ಬಾಡಿಗೆ ಪಡೆದಿದ್ದರು. ರೂ.60 ಲಕ್ಷ ಪಾವತಿಸುವಂತೆ ಡಿ.14 ರಂದು ನ್ಯಾಯಾಲಯ ಸೂಚಸಿತ್ತು. ಅಲ್ಲದೆ ಬಾಕಿ, ಹಣಕ್ಕೆ ಬದಲಾಗಿ ಮನೆಯ ಪೀಠೋಪಕರಣ ಜಪ್ತಿಗೆ ನ್ಯಾಯಾಲಯ ಸೂಚನೆ ನೀಡಿದೆ ಎಂದು ಹೇಳಲಾಗುತ್ತಿತ್ತು.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos