ಫಿಸಿಕ್ಸ್ ಟೀಚರ್ ಚಿತ್ರದಲ್ಲಿನ ಅಭಿನಯದ ಮೂಲಕ ಹೆಸರು ಗಳಿಸಿದ್ದ ಬಹುಭಾಷಾ ನಟ ಸುಮುಖ ತಮ್ಮ ಮುಂದಿನ ಚಿತ್ರಕ್ಕೆ ಸಿದ್ಧವಾಗಿದ್ದಾರೆ. ಸ್ನೇಹ ಮತ್ತು ಭ್ರಾತೃತ್ವದ ಸಂದೇಶವನ್ನು ಹೊಂದಿರುವ ಈ ಚಿತ್ರದಲ್ಲಿ ಸುಮುಖ ಅವರು ಶೈನ್ ಶೆಟ್ಟಿ ಮತ್ತು ನಿಧಿ ಹೆಗ್ಡೆ ಅವರೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ.
ಚಿತ್ರದ ಮೊದಲ ಹಂತದ ಚಿತ್ರೀಕರಣ ಸಕಲೇಶಪುರದಲ್ಲಿ ಪೂರ್ಣಗೊಂಡಿದ್ದು, ಮುಂದಿನ ಭಾಗಗಳ ಚಿತ್ರೀಕರಣವನ್ನು ಚಿತ್ರತಂಡ ಶೀಘ್ರದಲ್ಲೇ ಪ್ರಾರಂಭಿಸಲಿದೆ.
ಚಿತ್ರದ ತಮ್ಮ ಫಸ್ಟ್ ಲುಕ್ ಅನ್ನು ಹಂಚಿಕೊಂಡಿರುವ ಸುಮುಖ, 'ಫಿಜಿಕ್ಸ್ ಟೀಚರ್ ಗಂಭೀರವಾದ ಕಥಾವಸ್ತುವನ್ನು ಹೊಂದಿರುವ ಚಿತ್ರವಾಗಿದೆ ಮತ್ತು ಇದಕ್ಕೆ ವಿರುದ್ಧವಾಗಿ, ಉದಯ್ ಶೆಟ್ಟಿ ನಿರ್ದೇಶನದ ಇನ್ನೂ ಹೆಸರಿಸದ ಈ ಚಿತ್ರದಲ್ಲಿ ನಾನು ಚಾಕೊಲೇಟ್ ಬಾಯ್ ಆಗಿ ಕಾಣಿಸಿಕೊಳ್ಳುತ್ತೇನೆ' ಎಂದಿದ್ದಾರೆ.
ಇದಲ್ಲದೆ, ಸುಮುಖ ಅವರು ಕನ್ನಡ ಮತ್ತು ಮರಾಠಿಯಲ್ಲಿ ತಯಾರಾದ ರಾಜಸ್ಥಾನ್ ಡೈರೀಸ್ ಎಂಬ ದ್ವಿಭಾಷಾ ಚಲನಚಿತ್ರವನ್ನು ಹೊಂದಿದ್ದು, ಅದು ತೆರೆಗೆ ಬರಲು ಸಿದ್ಧವಾಗುತ್ತಿದೆ. ಚಿತ್ರದಲ್ಲಿ ಅವರು ಮಾನ್ವಿತಾ ಕಾಮತ್ಗೆ ಜೋಡಿಯಾಗಿದ್ದಾರೆ.
ರಾಜಸ್ಥಾನ್ ಡೈರೀಸ್ ಒಂದು ಪೂರ್ಣ ಪ್ರಮಾಣದ ಪ್ರೇಮಕಥೆ, ನನಗೆ ಮತ್ತೊಂದು ಹೊಸ ಪ್ರಕಾರವಾಗಿದೆ. ಸುಂದರ ಮರುಭೂಮಿಯ ನಡುವೆ ಅನಾವರಣಗೊಳ್ಳುವ ಪ್ರೇಮಕಥೆಗೆ ಅರ್ಜುನ ಜನ್ಯ ಸಂಗೀತ ಸಂಯೋಜಿಸಿದ್ದಾರೆ ಎನ್ನುತ್ತಾರೆ ನಟ.