ವಸಿಷ್ಠ ಸಿಂಹ ಅಭಿನಯದ ರೊಮ್ಯಾಂಟಿಕ್ ಡ್ರಾಮಾ 'Love... ಲಿ' ಸಿನಿಮಾ ಬಿಡುಗಡೆಗೆ ಸಜ್ಜಾಗುತ್ತಿದೆ. ಕ್ರೇಜಿ ಸ್ಟಾರ್ ರವಿಚಂದ್ರನ್, ರಿಯಲ್ ಸ್ಟಾರ್ ಉಪೇಂದ್ರ, ಪ್ರಿಯಾಂಕಾ ಉಪೇಂದ್ರ, ನಟ ಪ್ರೇಮ್ ಮತ್ತು ಹರಿಪ್ರಿಯಾ ಮುಂತಾದವರು ಭಾಗವಹಿಸಿದ್ದ ಭವ್ಯ ಸಮಾರಂಭದಲ್ಲಿ ಚಿತ್ರತಂಡ ಇತ್ತೀಚೆಗಷ್ಟೇ ಟೈಟಲ್ ಟ್ರಾಕ್ ಅನ್ನು ಅನಾವರಣಗೊಳಿಸಿತು. ನಾಯಕ ಮತ್ತು ನಾಯಕಿ ಸ್ಟೆಫಿ ಪಟೇಲ್ ಅವರನ್ನು ಒಳಗೊಂಡಿರುವ ಹಾಡಿಗೆ ಅನೂಪ್ ಸೀಳಿನ್ ಅವರ ಸಂಗೀತ ಸಂಯೋಜನೆ ಮತ್ತು ಕೆ ಕಲ್ಯಾಣ್ ಅವರ ಸಾಹಿತ್ಯವಿದೆ.

ಪ್ರತಿಭಾನ್ವಿತ ಗಾಯಕರೂ ಆಗಿರುವ ವಸಿಷ್ಠ ಸಿಂಹ ಅವರು ಸಾನ್ವಿ ಶೆಟ್ಟಿ ಜೊತೆಯಲ್ಲಿ ಹಾಡಿದ್ದಾರೆ. ಹಾಡಿನ ಬಿಡುಗಡೆಯ ಸಂದರ್ಭದಲ್ಲಿ ಮಾತನಾಡಿದ ಅವರು, Love... ಲಿ ಸ್ಕ್ರಿಪ್ಟ್ ನನ್ನ ಹೃದಯವನ್ನು ಆಳವಾಗಿ ಮುಟ್ಟಿದೆ ಮತ್ತು ಅದು ತಾನು ತಕ್ಷಣವೇ ಪ್ರೀತಿಯಲ್ಲಿ ಬೀಳುವ ಸ್ಕ್ರಿಪ್ಟ್ ಆಗಿತ್ತು. ಚಿತ್ರವು ಉತ್ತಮವಾಗಿ ರೂಪುಗೊಂಡಿದೆ ಮತ್ತು ಆಗಸ್ಟ್‌ನಲ್ಲಿ ಅದನ್ನು ಬಿಡುಗಡೆ ಮಾಡಲು ಯೋಜಿಸಲಾಗಿದೆ ಎಂದು ಅವರು ಹೇಳಿದರು.

ಅಭುವನಸ್ ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ರವೀಂದ್ರ ಕುಮಾರ್ ನಿರ್ಮಿಸಿರುವ ಈ ಚಿತ್ರಕ್ಕೆ ಇದೇ ಮೊದಲ ಬಾರಿಗೆ ಚೇತನ್ ಕೇಶವ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಕೇಶವ್ ಕಥೆಯನ್ನು ಸಹ ಬರೆದಿದ್ದಾರೆ.

ಚಿತ್ರ ಮೂಡಿಬಂದಿರುವ ಬಗ್ಗೆ ಸಂತಸ ವ್ಯಕ್ತಪಡಿಸುವ ನಿರ್ದೇಶಕರು, ಪ್ರೇಮದ ವಿವಿಧ ಅಂಶಗಳನ್ನು ಪರಿಶೋಧಿಸುವ ರೋಮಾಂಚಕ ಮತ್ತು ಆಕರ್ಷಕ ಚಿತ್ರ 'Love.. ಲಿ' ಆಗಿದೆ. 'ಸಿನಿಮಾದ ಮೊದಲಾರ್ಧವು ಪ್ರಣಯ ಕಥಾಹಂದರದ ಸುತ್ತ ಸುತ್ತುತ್ತದೆ. ಆದರೆ, ದ್ವಿತೀಯಾರ್ಧವು ಆಳವಾದ ವಿಷಯಗಳನ್ನು ಪರಿಶೀಲಿಸುತ್ತದೆ' ಎಂದು ಅವರು ಹೇಳುತ್ತಾರೆ.

ಕಳೆದ ಒಂಬತ್ತು ವರ್ಷಗಳಿಂದ ಚಿತ್ರರಂಗದ ಭಾಗವಾಗಿರುವ ಚೇತನ್, ಈ ಹಿಂದೆ ಮಫ್ತಿ ಚಿತ್ರದಲ್ಲಿ ನಿರ್ದೇಶಕ ನರ್ತನ್ ಅವರೊಂದಿಗೆ ಕೆಲಸ ಮಾಡಿದ್ದರು. ತಮ್ಮ ಶಾಲಾ ದಿನಗಳಿಂದಲೂ ಸಿನಿಮಾ ಮಾಡುವುದು ಅವರ ಆಸಕ್ತಿಯಾಗಿತ್ತು ಮತ್ತು ಉಪೇಂದ್ರ ಮತ್ತು ರವಿಚಂದ್ರನ್ ತಮಗೆ ಸ್ಫೂರ್ತಿ ಎಂದು ತಿಳಿಸಿದರು. 

ಇದನ್ನೂ ಓದಿ: ಮದುವೆ ನಂತರ ತೆರೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ ವಸಿಷ್ಠ ಸಿಂಹ-ಹರಿಪ್ರಿಯಾ; ಸಿನಿಮಾ ಬಿಡುಗಡೆಗೆ ದಿನಾಂಕ ಫಿಕ್ಸ್

'ಪ್ರಾಥಮಿಕವಾಗಿ, ನಾನು ಆ್ಯಕ್ಷನ್ ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದರೂ, ನನ್ನ ಚೊಚ್ಚಲ ಚಿತ್ರ love... ಲಿ ಮಾಸ್ ಅನ್ನು ಕ್ಲಾಸ್‌ನೊಂದಿಗೆ ಸಂಯೋಜಿಸುತ್ತದೆ. ಸಿನಿಮಾದಲ್ಲಿ ರೌಡಿಸಂ, ಪ್ರೀತಿ, ನಾಟಕ ಮತ್ತು ಕುಟುಂಬ ಸೇರಿದಂತೆ ಬಹು ಪ್ರಕಾರಗಳನ್ನು ಹೊಂದಿದೆ. ಪ್ರೀತಿ ಮತ್ತು ನಂಬಿಕೆಯ ಮೇಲೆ ನಿರ್ಮಿಸಲಾದ ಸಂಬಂಧಗಳ ಸಾರವನ್ನು ಅನ್ವೇಷಿಸುತ್ತದೆ. ಇದು ಮೂರು ಆಕ್ಷನ್ ಸೀಕ್ವೆನ್ಸ್ ಮತ್ತು ನಾಲ್ಕು ಹಾಡುಗಳನ್ನು ಒಳಗೊಂಡಿದೆ' ಎಂದು ಚೇತನ್ ಹಂಚಿಕೊಂಡಿದ್ದಾರೆ.

ಈ ಹಿಂದೆ ತಮಿಳು ಮತ್ತು ತೆಲುಗು ಚಿತ್ರಗಳಲ್ಲಿ ಕೆಲಸ ಮಾಡಿದ ನಾಯಕಿ ಸ್ಟೆಫಿ ಪಟೇಲ್ ಅವರ ಕನ್ನಡದ ಚೊಚ್ಚಲ ಚಿತ್ರ Love... ಲಿ ಆಗಿದೆ.