ಬಿಸಿ ಬಿಸಿ ಅನ್ನಕ್ಕೆ ಸ್ವಲ್ಪ ತುಪ್ಪ ಮತ್ತು ಖಾರ ಖಾರವಾದ ಮಾವಿನಕಾಯಿ ತೊಕ್ಕು ಇದ್ದರೆ ಆ ಊಟದ ಮಜಾವೇ ಬೇರೆ. ಬ್ಯಾಚುಲರ್ಸ್ ಕೂಡ ಅತ್ಯಂತ ಸುಲಭವಾಗಿ ಮಾಡಬಹುದಾದ, ಕರ್ನಾಟಕ ಶೈಲಿಯ ಮಸಾಲೆಯುಕ್ತ ಮಾವಿನಕಾಯಿ ತೊಕ್ಕು ಮಾಡುವ ಸರಳ ವಿಧಾನ ಇಲ್ಲಿದೆ.
ಬೇಕಾಗುವ ಪದಾರ್ಥಗಳು..
ಹುಳಿ ಮಾವಿನಕಾಯಿ- 4
ಉಪ್ಪು- ರುಚಿಗೆ ತಕ್ಕಷ್ಟು
ಮೆಂತ್ಯ- 2 ಚಮಚ
ಸಾಸಿವೆ- 2 ಚಮಚ
ಚಿಲ್ಲಿ ಪೌಡರ್- 50 ಗ್ರಾಂ
ಅರಿಶಿನ- ಸ್ವಲ್ಪ
ಬೆಳ್ಳುಳ್ಳಿ- 2 ಗಡ್ಡೆ
ಒಗ್ಗರಣೆಗೆ:
ಎಣ್ಣೆ- ಸ್ವಲ್ಪ
ಸಾಸಿವೆ- ಸ್ವಲ್ಪ
ಇಂಗು- ಸ್ವಲ್ಪ
ಕರಿಬೇವು- ಸ್ವಲ್ಪ
ಮಾಡುವ ವಿಧಾನ...
ಮಾವಿನಕಾಯಿ ಯನ್ನು ತೊಳೆದು ಒರೆಸಿ ತುರಿದುಕೊಳ್ಳಿ. ಮೆಂತ್ಯ ಮತ್ತು ಸಾಸಿವೆ ಉರಿದು ಪುಡಿ ಮಾಡಿಕೊಳ್ಳಿ. ಬೆಳ್ಳುಳ್ಳಿ ಯನ್ನು ಮಿಕ್ಸಿಗೆ ಹಾಕಿ ತರಿ ತರಿ ಮಾಡಿಕೊಳ್ಳಿ.
ಈಗ ತುರಿದ ಮಾವಿನಕಾಯಿಯನ್ನು ಬಾಣಲೆಗೆ ಹಾಕಿ, ಮಧ್ಯಮ ಉರಿಯಲ್ಲಿ ಚೆನ್ನಾಗಿ ಕೈಯಾಡಿಸುತ್ತಾ ಬೇಯಿಸಿ. ಮಾವಿನಕಾಯಿ ಮೃದುವಾಗಿ, ಅದರಲ್ಲಿದ್ದ ನೀರಿನಂಶ ಆರಿ, ಎಣ್ಣೆ ಬಿಡಲು ಆರಂಭವಾಗುವವರೆಗೆ (ಸುಮಾರು 5-7 ನಿಮಿಷ) ಹುರಿಯಿರಿ.
ಮಾವಿನಕಾಯಿ ತುರಿ ಬೆಂದ ನಂತರ ಉರಿ ಕಡಿಮೆ ಮಾಡಿ. ಅದಕ್ಕೆ ಅಚ್ಚ ಖಾರದ ಪುಡಿ, ಅರಿಶಿನ, ಸಾಸಿವೆ ಪುಡಿ, ಮೆಂತ್ಯ ಪುಡಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
ಎಲ್ಲಾ ಮಸಾಲೆಗಳು ಒಂದಕ್ಕೊಂದು ಹೊಂದಿಕೊಂಡ ಮೇಲೆ ಬೆಲ್ಲದ ಪುಡಿಯನ್ನು ಸೇರಿಸಿ. ಬೆಲ್ಲ ಕರಗಿ, ಇಡೀ ಮಿಶ್ರಣವು ಬಾಣಲೆಯ ತಳ ಬಿಟ್ಟು, ಎಣ್ಣೆ ಮೇಲಕ್ಕೆ ತೇಲುವಾಗ ಗ್ಯಾಸ್ ಆಫ್ ಮಾಡಿ. ಬಳಿಕ ಮಾವಿನಕಾಯಿ ತೊಕ್ಕು ಸಂಪೂರ್ಣವಾಗಿ ತಣ್ಣಗಾಗಲು ಬಿಡಿ.
ತೊಕ್ಕು ಪೂರ್ತಿ ತಣ್ಣಗಾದ ಮೇಲೆ, ತೇವಾಂಶವಿಲ್ಲದ ಗಾಜಿನ ಸೀಸೆಗೆ (Glass Jar) ಹಾಕಿ ಗಾಳಿಯಾಡದಂತೆ ಮುಚ್ಚಿಡಿ. ಇದನ್ನು ಫ್ರಿಡ್ಜ್ನಲ್ಲಿಟ್ಟರೆ 3 ರಿಂದ 6 ತಿಂಗಳವರೆಗೆ ಹಾಗೂ ಹೊರಗಡೆ ಇಟ್ಟರೆ 1 ತಿಂಗಳವರೆಗೆ ಏನೂ ಆಗದೆ ತಾಜಾವಾಗಿರುತ್ತದೆ.
ತೊಕ್ಕು ತೆಗೆಯಲು ಯಾವಾಗಲೂ ಒಣಗಿದ ಚಮಚವನ್ನೇ ಬಳಸಿ, ಆಗ ಇದು ದೀರ್ಘಕಾಲ ಬಾಳಿಕೆ ಬರುತ್ತದೆ.