ನವದೆಹಲಿ: ಇಂದಿನ ಯುವಪೀಳಿಗೆ ಅರೇಂಜ್ಡ್ ಮ್ಯಾರೇಜ್ ಬಗ್ಗೆ ಅಸಡ್ಡೆ ತೋರುತ್ತಿರುವ ಬಗ್ಗೆ ಭಾರತದ ನಂಬರ್ 1 ಮ್ಯಾಚ್ ಮೇಕರ್ ಎಂದೇ ಹೆಸರಾಗಿರುವ ಸೀಮಾ ತಪಾರಿಯ ಅವರು ಖೇದ ವ್ಯಕ್ತಪಡಿಸಿದ್ದಾರೆ. ಮುಂಬರುವ ದಿನಗಳಲ್ಲಿ ಯುವಪೀಳಿಗೆಯ ಅಭಿಪ್ರಾಯ ಬದಲಾಗಲಿದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸುತ್ತಾರೆ.

ಇದನ್ನೂ ಓದಿ: ಟೀ ಶಾಪ್ ಮುಂದೆ ಹುಡುಗಿ ಬೇಕಾಗಿದ್ದಾಳೆ ಎಂದು ಬ್ಯಾನರ್ ಹಾಕಿದ ವರ: ದೇಶ ವಿದೇಶಗಳಿಂದ ಹುಡುಗಿಯರ ಕರೆ

ಅರೇಂಜ್ಡ್ ಮ್ಯಾರೇಜಿನಲ್ಲಿ ಎರಡು ಕುಟುಂಬಗಳು ಒಂದಾಗುತ್ತವೆ. ಹುಡುಗ ಮತ್ತು ಹುಡುಗಿ ಮಧ್ಯೆ ಏನೇ ಸಮಸ್ಯೆ ಬಂದರೂ ಕೂತು ಪರಿಹರಿಹರಿಸುವ ಒಂದು ಸವಲತ್ತಿರುತ್ತದೆ. ಅದುವೇ ಅರೇಂಜ್ಡ್ ಮ್ಯಾರೇಜಿನ ಅತಿ ದೊಡ್ಡ ಶಕ್ತಿ. ಆದರೆ ಲವ್ ಮ್ಯಾರೇಜಿನಲ್ಲಿ ಹುಡುಗ ಹುಡುಗಿ ಒಂಟಿಯಾಗುತ್ತಾರೆ. ಅವರ ನಡುವೆ ಭಿನ್ನಾಭಿಪ್ರಾಯ ಬಂದರೆ ಅವರ ಹೆಗಲಿಗೆ ಯಾರೂ ಇರುವುದಿಲ್ಲ.

ಅರೇಂಜ್ಡ್ ಮ್ಯಾರೇಜ್ ಎಂದರೆ ಬಲವಂತದ ಮದುವೆ ಎನ್ನುವ ಅಭಿಪ್ರಾಯ ಈಗಿನ ಯುವ ಪೀಳಿಗೆಯವರಲ್ಲಿದೆ. ಆದರೆ ಈಗೀಗ ಮದುವೆ ವಿಚಾರದ ಬಗ್ಗೆ ಅವರು ಹೆಚ್ಚಿನ ತಿಳಿವಳಿಕೆ ಹೊಂದುತ್ತಿದ್ದಾರೆ. ಕೆಲವರಾದರೂ ತಮಗೆ ಅರೇಂಜ್ಡ್ ಮದುವೆಯೇ ಬೇಕು ಎನ್ನುವ ತೀರ್ಮಾನಕ್ಕೆ ಬದ್ಧರಾಗುತ್ತಿದ್ದಾರೆ.

ಇದನ್ನೂ ಓದಿ: ಕೋಮು ಸೌಹಾರ್ದತೆ: ಅನಾಥೆಯನ್ನು ಮಗಳಂತೆ ಪೋಷಿಸಿ ಹಿಂದೂ ಪದ್ಧತಿಯಂತೆ ಮದುವೆ ಮಾಡಿಕೊಟ್ಟ ಮುಸ್ಲಿಂ ವ್ಯಕ್ತಿ!

ನೂರಕ್ಕೆ ನೂರು ಪರ್ಸೆಂಟ್ ಮ್ಯಾಚ್ ಆಗುವ ಸಂಗಾತಿ ಯಾರಿಗೂ ಸಿಕ್ಕುವುದಿಲ್ಲ. ಇಬ್ಬರು ವ್ಯಕ್ತಿಗಳು ಯಾವತ್ತೂ ಒಂದೇ ರೀತಿಯಿರಲು ಸಾಧ್ಯವೇ ಇಲ್ಲ. ಹೀಗಾಗಿ ಶೇ. 70 ರಷ್ಟು ಮ್ಯಾಚ್ ಆದರೆ ಹುಡುಗ ಹುಡುಗಿ ಪರಸ್ಪರ ಒಪ್ಪಿಗೆ ಮೇರೆಗೆ ಮದುವೆ ಆಗಬಹುದು. ಉಳಿದ 30 ಪರ್ಸೆಂಟ್ ಜೀವನ ಇರೋದು ಹೊಂದಾಣಿಕೆಯಲ್ಲಿ.

ಲವ್ ಮ್ಯಾರೇಜೇ ಆಗಲಿ, ಅರೇಂಜ್ಡ್ ಮ್ಯಾರೇಜೇ ಆಗಲಿ ಸತಿಪತಿಯರ ನಡುವೆ ಹೊಂದಾಣಿಕೆ, ತ್ಯಾಗ ಮನೋಭಾವ ಇರಲೇಬೇಕು. ಇದ್ದರೆ ಮಾತ್ರ ಸಂಸರ ಚೆನ್ನಾಗಿರುತ್ತದೆ. ಅದಿರದೇ ಹೋದಲ್ಲಿ ಎಂಥಾ ಮಾದರಿ ಪ್ರೇಮಿಗಳ ನಡುವೆಯೂ ವಿರಸ ಮೂಡುತ್ತದೆ. 

ಇದನ್ನೂ ಓದಿ: ಗದಗ ಜಿಲ್ಲೆಯಲ್ಲಿ 'ಸಲ್ಮಾನ್ ಖಾನ್' ಗ್ರಾಮ ಕೇಳಿದ್ದೀರಾ? ಇಲ್ಲಿ ಮದುವೆಯಾಗಲು ಕ್ಯೂನಲ್ಲಿ ನಿಂತಿದ್ದಾರೆ ಯುವಕರು!

ಈಗಿನವರಲ್ಲಿ ಇಗೋ ಸಮಸ್ಯೆ ಇದೆ, ಆರ್ಥಿಕವಾಗಿ ತಾವು ಸಬಲರು ಎನ್ನುವ ಅಹಂ ಇದೆ. ಈಗಿನವರ ವಿವಾಹ ಸಂಬಂಧಗಳು ಮುರಿದುಬೀಳುವುದಕ್ಕೆ ಅದುವೇ ಮುಖ್ಯ ಕಾರಣ. ಸೀಮಾ ತಪಾರಿಯ ಅವರು ನೆಟ್ ಫ್ಲಿಕ್ಸ್ ನಲ್ಲಿ 'ಇಂಡಿಯನ್ ಮ್ಯಾಚ್ ಮೇಕಿಂಗ್' ರಿಯಾಲಿಟಿ ಶೋ ನಡೆಸಿಕೊಡುತ್ತಿದ್ದಾರೆ. 

ಇದನ್ನೂ ಓದಿ: 28 ಪತ್ನಿಯರು, 35 ಮಕ್ಕಳ ಮುಂದೆ 37ನೇ ಮದುವೆಯಾದ ಭೂಪ!