ಸರ್ಚ್ ಎಂಜಿನ್ ರೂಪಿಸಿರುವ ಅನ್ಮೋಲ್ ಟುಕ್ರೆಲ್ 
ವಿಜ್ಞಾನ-ತಂತ್ರಜ್ಞಾನ

ಗೂಗಲ್ ಗಿಂತ ನಿಖರವಾಗಿ ಉತ್ತರಿಸುವ ಸರ್ಚ್ ಎಂಜಿನ್ ಆವಿಷ್ಕರಿಸಿದ ಭಾರತೀಯ..!

ಪ್ರಮುಖ ಸರ್ಚ್ ಎಂಜಿನ್ ಗೂಗಲ್ ಗಿಂತಲೂ ವೇಗವಾಗಿ ಮತ್ತು ನಿಖರವಾಗಿ ಉತ್ತರಿಸುವ ಸರ್ಚ್ ಎಂಜಿನ್ ಅನ್ನು ಅಭಿವೃದ್ಧಿ ಪಡಿಸಿರುವುದಾಗಿ ಭಾರತೀಯ ಮೂಲದ ವ್ಯಕ್ತಿಯೊಬ್ಬ ಹೇಳಿಕೊಂಡಿದ್ದಾನೆ.

ನವದೆಹಲಿ: ಪ್ರಮುಖ ಸರ್ಚ್ ಎಂಜಿನ್ ಗೂಗಲ್ ಗಿಂತಲೂ ವೇಗವಾಗಿ ಮತ್ತು ನಿಖರವಾಗಿ ಉತ್ತರಿಸುವ ಸರ್ಚ್ ಎಂಜಿನ್ ಅನ್ನು ಅಭಿವೃದ್ಧಿ ಪಡಿಸಿರುವುದಾಗಿ ಭಾರತೀಯ ಮೂಲದ ವ್ಯಕ್ತಿಯೊಬ್ಬ ಹೇಳಿಕೊಂಡಿದ್ದಾನೆ.

ಅದೂ ಕೂಡ 16 ವರ್ಷದ ಪುಟ್ಟ ಪೋರ. ಹೌದು ಪ್ರಮುಖ ಸರ್ಚ್ ಎಂಜಿನ್ ಗೂಗಲ್ ಗಿಂತಲೂ ಶೇ.47ರಷ್ಟು ವೇಗವಾಗಿ ಮತ್ತು ನಿಖರವಾಗಿ ಕಾರ್ಯ ನಿರ್ವಹಿಸಬಲ್ಲ ಸರ್ಚ್ ಎಂಜಿನ್ ಅನ್ನು ತಾನು ಆವಿಷ್ಕರಿಸಿದ್ದೇನೆ ಎಂದು ಭಾರತೀಯ ಮೂಲದ ಕೆನಡಾ ನಿವಾಸಿಯಾದ ಅನ್ಮೋಲ್ ಟುಕ್ರೆಲ್ ಹೇಳಿಕೊಂಡಿದ್ದಾನೆ. ಗೂಗಲ್ ಸಂಸ್ಥೆ ಪ್ರತೀ ವರ್ಷ ನಡೆಸುವ "ಗೂಗಲ್ ಸೈನ್ಸ್ ಫೇರ್" ಸ್ಪರ್ಧೆಯಲ್ಲಿ ಅನ್ಮೋಲ್ ಟುಕ್ರೆಲ್ ತಾನು ಅಭಿವೃದ್ಧಿಪಡಿಸಿರುವ ನೂತನ ಸರ್ಚ್ ಎಂಜಿನ್ ಅನ್ನು ಸಲ್ಲಿಕೆ ಮಾಡಿದ್ದಾನೆ.

ಆತನೇ ಹೇಳಿಕೊಂಡಿರುವಂತ ತನ್ನ ಈ ಸರ್ಚ್ ಎಂಜಿನ್ ಗಾಗಿ ಆತ ಹಲವು ತಿಂಗಳುಗಳ ಕಾಲ ಸಮಯ ತೆಗೆದುಕೊಂಡಿದ್ದು, ಕೇವಲ 60 ಗಂಟೆಗಳ ಅವಧಿಯಲ್ಲಿ ಇಂಜಿನ್ ಕೋಡ್ ಮಾಡಿ ಮುಗಿಸಿದ್ದಾನೆ. ಇನ್ನು ತನ್ನ ಸಾಧನೆ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಅನ್ಮೋಲ್ ಟುಕ್ರೆಲ್, ವೈಯುಕ್ತಿಕ ಸರ್ಚ್ ಎಂಜಿನ್ ರಚಿಸುವ ಕುರಿತು ನನಗೆ ಮೊದಲಿನಿಂದಲೂ ಆಸಕ್ತಿ ಇತ್ತು. ಆದರೆ ಗೂಗಲ್ ಸಂಸ್ಥೆ ಈ ಕೆಲಸವನ್ನು ಅದಾಗಲೇ ಮಾಡಿದೆ ಎಂದು ತಿಳಿದಾಗ, ಇದನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಬೇಕು ಎಂದೆನಿಸಿತು. ಸರ್ಚ್ ಎಂಜಿನ್ ರೂಪಣೆ ನನ್ನ ಪಾಲಿಗೆ ತುಂಬಾ ಆಸಕ್ತಿದಾಯಕ ವಿಚಾರವಾಗಿದೆ ಎಂದು ಅನ್ಮೋಲ್ ಟುಕ್ರೆಲ್ ಹೇಳಿದ್ದಾನೆ.

ಗೂಗಲ್ ಸಂಸ್ಥೆ ಪ್ರತೀ ವರ್ಷ ಜಾಗತಿಕ ಮಟ್ಟದಲ್ಲಿ 13 ರಿಂದ 18 ವರ್ಷದೊಳಗಿನ ವಿದ್ಯಾರ್ಥಿಗಳಿಗಾಗಿ ಆನ್ ಲೈನ್ ಸ್ಪರ್ಧೆಯನ್ನು ಏರ್ಪಡಿಸುತ್ತದೆ. ಪ್ರಸ್ತುತ ಈ ಸ್ಪರ್ಧೆಯಲ್ಲಿ ಅನ್ಮೋಲ್ ಟುಕ್ರೆಲ್ ಕೂಡ ತನ್ನ ಸರ್ಚ್ ಎಂಜಿನ್ ಅನ್ನು ಸಲ್ಲಿಕೆ ಮಾಡಿದ್ದಾನೆ.

Follow KannadaPrabha channel on WhatsApp

  

KannadaPrabha News app ಡೌನ್‌ಲೋಡ್ ಮಾಡಿ, ಇತ್ತೀಚಿನ ಸುದ್ದಿಗಳ ಅಪ್ಡೇಟ್ಸ್ ಪಡೆಯಿರಿ

 

Subscribe to KannadaPrabha YouTube Channel and watch Videos

India-Japan Annual Summit 2025: ಟೋಕಿಯೋ ತಲುಪಿದ ಪ್ರಧಾನಿ ಮೋದಿ, ಅದ್ಧೂರಿ ಸ್ವಾಗತ

BJP, RSS ನಡುವೆ ಭಿನ್ನಾಭಿಪ್ರಾಯ ಇರಬಹುದು, ಆದರೆ ಸಂಘರ್ಷ ಇಲ್ಲ: ಮೋಹನ್ ಭಾಗವತ್

Nation survey: ಇಂದೇ ಲೋಕಸಭೆ ಚುನಾವಣೆ ನಡೆದರೆ NDA ಎಷ್ಟು ಸ್ಥಾನ ಗೆಲ್ಲುತ್ತೆ ಗೊತ್ತಾ?

SCO summit: ಟ್ರಂಪ್ ಗೆ ಸೆಡ್ಡು; ಚೀನಾ, ರಷ್ಯಾ ಅಧ್ಯಕ್ಷರೊಂದಿಗೆ ದ್ವಿಪಕ್ಷೀಯ ಸಭೆಗೆ ಪ್ರಧಾನಿ ಮೋದಿ ಸಜ್ಜು; ದಿಗ್ಗಜರ ಸಮಾಗಮದ ಮೇಲೆ ಜಗತ್ತಿನ ಕಣ್ಣು!

"ಭಾರತೀಯರು ಬಗ್ಗದೇ ಹೋದರೆ...": ಹತಾಶಗೊಂಡ ಟ್ರಂಪ್ ಸಲಹೆಗಾರನಿಂದ ನೇರಾನೇರ ಬೆದರಿಕೆ!

SCROLL FOR NEXT