ಈಗೊಂದು ಮೊಬೈಲ್ ತೆಗೆದುಕೊಳ್ಳುತ್ತೀರಿ. ಇನ್ನೊಂದು ಸ್ವಲ್ಪ ದಿನಕ್ಕೆ ಬ್ಯಾಟರಿ ಸಾಲದು ಅನ್ನಿಸುತ್ತದೆ. ಮೊಬೈಲ್ ಸ್ಲೋ ಆಯ್ತು. ಹೊಸ ಸಾಫ್ಟ್ ವೇರ್‍ಗೆ ಹೆಚ್ಚು ರ್ಯಾಮ್ ಬೇಕಿತ್ತು ಅನ್ನಿಸಬಹುದು. ಕ್ಯಾಮೆರಾ ಹೆಚ್ಚು ಮೆಗಾಪಿಕ್ಸೆಲ್ ಬೇಕು ಅನ್ನಿಸಬಹುದು.
ಹಾಗೆ ಅನ್ನಿಸಿದಾಗೆಲ್ಲ ಹೊಸ ಮೊಬೈಲ್ ತೆಗೆದುಕೊಳ್ಳಲು ಸಾಧ್ಯವಿಲ್ಲ. ಅದರ ಬದಲು ನಮ್ಮದೇ ಮೊಬೈಲ್‍ನಲ್ಲಿ ನಮಗೆ ಬೇಕಾದ ಬಿಡಿಭಾಗ ಅಳವಡಿಸಿಕೊಳ್ಳುವ ಅವಕಾಶ ಇದ್ದಿದ್ದರೆ? ಎಂತಹ ಸುಂದರ ಕಲ್ಪನೆ ಅಂದುಕೊಳ್ಳುತ್ತಿದ್ದೀರಾ? ಇಂತಹ ಕಲ್ಪನೆಯ ಯೋಜನೆಯೊಂದಕ್ಕೆ 91 ಮೊಬೈಲ್ಸ್ ಕಂಪನಿ ಚಾಲನೆ ನೀಡಿದೆ.
ಕಂಪನಿಯ ಈ ಕಲ್ಪನೆಯ ಯೋಜನೆ ಪ್ರಕಾರ ಹೊಸ ಮೊಬೈಲ್‍ಗಳಲ್ಲಿ ಈಗ ಬಳಸಲಾಗುವ ಸಾಧಾರಣ ಬ್ಯಾಟರಿಗಳ ಬದಲು ಸೂಪರ್ ಕ್ಯಾಪಿಸಿಟರ್ ಬಳಸಬೇಕಂತೆ. ಈ ಸೂಪರ್ ಕ್ಯಾಪಿಸಿಟರ್ ಈಗಿನ ಬ್ಯಾಟರಿಗಿಂತ ಹಗುರವಾಗಿದ್ದು, ಚಾರ್ಜ್ ಆಗಲು ಕಡಿಮೆ ಸಮಯ ತೆಗೆದುಕೊಳ್ಳುತ್ತವೆ. ಆದರೆ ಬ್ಯಾರಟಿ ಬಾಳಿಕೆ ಹೆಚ್ಚು ಬರುತ್ತದೆ. ಈ ಕಾರಣಕ್ಕಾಗಿ ಸೂಪರ್ ಕ್ಯಾಪಿಸಿಟರ್ ಬಳಸುವುದು ಕಂಪನಿಯ ಉದ್ದೇಶ. ಇದರಿಂದಾಗಿ 30 ನಿಮಿಷದ ಜಾರ್ಜ್ ನಲ್ಲಿ 2 ದಿನದ ಬ್ಯಾಟರಿ ಲೈಫ್ ಪಡೆಯಬಹುದಂತೆ. ಇದಕ್ಕಿಂತ ಮುಖ್ಯವಾಗಿ ಮಾಡ್ಯುಲರ್ ಮತ್ತು ಬದಲಾಯಿಸಬಹುದಾದ ಹಾರ್ಡ್ ವೇರ್. ಇದರಿಂದಾಗಿ ಗ್ರಾಹಕರು ಅಗತ್ಯ ಮತ್ತು ಅನುಕೂಲವಿದ್ದಾಗ ಅಪ್‍ಗ್ರೇಡ್ ಮಾಡಲು ಅವಕಾಶವಾಗುತ್ತದೆ. ಹೋಲೋಗ್ರಾಫಿಕ್ ವಿಡಿಯೋ ಪ್ರೊಜೆಕ್ಷನ್ ವೈಬ್ರೇಶನ್ ಟ್ರಾಂಡ್ಯುಸರ್ ಸ್ಪೀಕರ್ ಸಿಸ್ಟಂ (ಇದು ಯಾವುದೇ ಫ್ಲಾಟ್ ವಸ್ತುವನ್ನು ಸ್ಪೀಕರ್ ಆಗಿ ಪರಿವರ್ತಿಸುತ್ತದಂತೆ) ಪಾರದರ್ಶಕ, ಪಾಲಿಮರ್ ಒಎಲ್‍ಇಡಿ ಡಿಸ್ ಪ್ಲೇಗಳು ಇದರ ಪ್ಲಸ್ ಪಾಯಿಂಟ್‍ಗಳಂತೆ.
ಹಾರ್ಡ್ ವೇರ್ ಗೆ ಸಂಬಂಧಿಸಿದಂತೆ 5 ಇಂಚು ಅಲ್ಟ್ರಾ ಎಚ್ ಡಿ ಡಿಸ್ ಪ್ಲೇ 991 ಪಿಪಿಐ (ಈಗಿರುವುದು ಹೆಚ್ಚೆಂದರೆ 551 ಪಿಪಿಐ ಡಿಸ್ ಪ್ಲೇಗಳು) 4ಜಿ ಮತ್ತು ವೈಫೈ (ಅಪ್ ಗ್ರೇಡೆಬಲ್) ಇರಬೇಕು ಎಂಬುದು ಕಂಪನಿಯ ನಿಯಮ. ಯೂ ಟ್ಯೂಬ್‍ನಲ್ಲೂ ಪ್ರಾಜೆಕ್ಟ್ ಆರಿಯಾ ಎಂದು ಹುಡುಕಿ ನೋಡಬಹುದು.