ನವದೆಹಲಿ: ಶುಕ್ರವಾರದ ಶತಮಾನದ ದೀರ್ಘಾವಧಿಯ ಖಗ್ರಾಸ ಚಂದ್ರಗ್ರಹಣಕ್ಕೆ ಆಕಾಶ ಸಾಕ್ಷಿಯಾಗಿತ್ತು. 

ಖಗೋಳ ವಿಸ್ಮಯವನ್ನು ವಿಶ್ವಾದ್ಯಂತ ಕೋಟ್ಯಂತರ ಮಂದಿ ವೀಕ್ಷಿಸಿದ್ದು, ಭಾರತದಲ್ಲಿ ಜನರು ಶತಮಾನದ ಅಚ್ಚರಿಯನ್ನು ಕಣ್ತುಂಬಿಕೊಂಡರು. ರಾಜ್ಯ, ದೇಶ, ವಿದೇಶಗಳಲ್ಲಿ ಈ ಮಹಾ ಚಂದ್ರಗ್ರಹಣ ಗೋಚರಿಸಿದ್ದು, ಇದು ಈ ಶತಮಾನದ ಅತಿ ದೀರ್ಘಾವಧಿಯ ಚಂದ್ರಗ್ರಹಣವಾಗಿದೆ. 

ನಿನ್ನೆ ರಾತ್ರಿ 11.54ಕ್ಕೆ ಗ್ರಹಣ ಸ್ಪರ್ಶವಾಗಿ, 1 ಗಂಟೆಯಿಂದ ಸುಮಾರು 103 ನಿಮಿಷಗಳ ಕಾಲ ಚಂದ್ರ ರಕ್ತ ವರ್ಣದಲ್ಲಿ ರಾರಾಜಿಸುತಿತ್ತು. 

ಇನ್ನು ಖ್ಯಾತ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ ಈ ಶತಮಾನದ ಚಂದ್ರಗ್ರಹಣವನ್ನು ನೇರ ಪ್ರಸಾರ ಮಾಡಿದ್ದು, ಶತಮಾನದ ದೀರ್ಘಾವಧಿಯ ಖಗ್ರಾಸ ಚಂದ್ರಗ್ರಹಣ ನೀವು ಮತ್ತೊಮ್ಮೆ ನೋಡಿ ಖುಷಿ ಪಡಿ.