ನವದೆಹಲಿ: ರಿಲಯನ್ಸ್‌ ಜಿಯೊ ಉಚಿತ ಕೊಡುಗೆಗಳಿಗೆ ಸವಾಲಾಗಿ ವೊಡಾಫೋನ್, 4ಜಿ ಮೊಬೈಲ್‌ ಬಳಕೆದಾರರಿಗಾಗಿ 1ಜಿಬಿ ಪ್ಲಾನ್‌ ದರದಲ್ಲೇ 10 ಜಿಬಿ ಡೇಟಾ ನೀಡುವುದಾಗಿ ಘೋಷಿಸಿದೆ.
ಹೊಸ 4ಜಿ ಸ್ಮಾರ್ಟ್‌ಫೋನ್‌ ಹೊಂದಿರುವ ವೊಡಾಫೋನ್ ಗ್ರಾಹಕರು, 1ಜಿ ಬಿ ಪ್ಲಾನ್‌ ರಿಚಾರ್ಜ್‌ನೊಂದಿಗೆ ಹೆಚ್ಚುವರಿ 9 ಜಿಬಿಗಳನ್ನು ಪಡೆಯಲಿದ್ದಾರೆ. 2016 ಡಿಸೆಂಬರ್‌ 31ರೊಳಗೆ ಪ್ರಿಪೇಯ್ಡ್‌ ಹಾಗೂ ಪೋಸ್ಟ್‌ಪೇಯ್ಡ್‌ ಗ್ರಾಹಕರು 3ಜಿ ಅಥವಾ 4ಜಿ ಸೇವೆಯ ಈ ಆಫರ್‌ಗಳನ್ನು ಪಡೆಯಬಹುದಾಗಿದೆ.
ಈ ಆಫರ್‌ನ ಚಂದಾದಾರರು ವೊಡಾಫೋನ್ ಪ್ಲೇನಲ್ಲಿ ಉಚಿತವಾಗಿ ಟಿವಿ, ಚಲನಚಿತ್ರ ಹಾಗೂ ಹಾಡುಗಳನ್ನು ನೋಡಬಹುದಾಗಿದೆ. ಹೊಸ 4ಜಿ ಸ್ಮಾರ್ಟ್‌ಫೋನ್‌ ಬಳಕೆದಾರರಿಗೆ ಮಾತ್ರ ಈ ಆಫರ್ ಲಭ್ಯವಾಗಲಿದೆ. ಈಶಾನ್ಯ ರಾಜ್ಯಗಳಲ್ಲೂ 4ಜಿ ಹ್ಯಾಂಡ್‌ಸೆಟ್‌ ಬಳಕೆದಾರರಿಗೆ ಈ ಆಫರ್ ಲಭ್ಯವಿದ್ದು, ಅದಕ್ಕೆ ಕಾಲಮಿತಿ ವಿಧಿಸಲಾಗಿದೆ.
Advertisement