ನವದೆಹಲಿ: ಫೆಬ್ರವರಿ ತಿಂಗಳಲ್ಲಿ ದೇಶದ ಕೈಗಾರಿಕಾ ಉತ್ಪಾದನೆ ಶೇ.5.6 ಕ್ಕೆ ಅಲ್ಪ ಏರಿಕೆ ಕಂಡಿದೆ. ಜನವರಿಯಲ್ಲಿ 2023 ರಲ್ಲಿ ಶೇ.5.5 ರಷ್ಟಿದ್ದ ಕೈಗಾರಿಕ ಉತ್ಪಾದನೆ ಫೆಬ್ರವರಿಯಲ್ಲಿ ಶೇ.5.6ಕ್ಕೆ ಏರಿಕೆ ಕಂಡಿದೆ.
ಬುಧವಾರ ಬಿಡುಗಡೆಯಾದ ಅಧಿಕೃತ ಅಂಕಿಅಂಶಗಳ ಪ್ರಕಾರ ಮುಖ್ಯವಾಗಿ ವಿದ್ಯುತ್, ಗಣಿಗಾರಿಕೆ ಮತ್ತು ಉತ್ಪಾದನಾ ವಲಯಗಳ ಉತ್ತಮ ಕಾರ್ಯಕ್ಷಮತೆಯಿಂದಾಗಿ ಕೈಗಾರಿಕಾ ಉತ್ಪಾದನೆ ಏರಿಕೆ ಕಂಡಿದೆ.
ವಾರ್ಷಿಕ ಹಾಗೂ ಅನುಕ್ರಮದ ಆಧಾರದ ಮೇಲೆ ಸುಧಾರಣೆ ಕಂಡುಬಂದಿದೆ. ಕೈಗಾರಿಕಾ ಉತ್ಪಾದನೆಯ ಸೂಚ್ಯಂಕ (ಐಐಪಿ) ಆಧಾರದ ಮೇಲೆ ಫ್ಯಾಕ್ಟರಿ ಔಟ್ ಪುಟ್ ನ್ನು ಅಳೆಯಲಾಗುತ್ತದೆ ಇದು ಫೆಬ್ರವರಿಯಲ್ಲಿ ಶೇ.1.2 ರಷ್ಟಿತ್ತು.
ರಾಷ್ಟ್ರೀಯ ಅಂಕಿಅಂಶ ಕಚೇರಿ (ಎನ್ಎಸ್ಒ) ಪ್ರಕಾರ, ಉತ್ಪಾದನಾ ವಲಯದಲ್ಲಿ ಉತ್ಪತ್ತಿ ಶೇ.5.3 ರಷ್ಟು ಬೆಳವಣಿಗೆಯಾಗಿದ್ದು, ಕಳೆದ ವರ್ಷದ ಫೆಬ್ರವರಿಯಲ್ಲಿ ಶೇ. 0.2 ರಷ್ಟು ಬೆಳವಣಿಗೆ ಇತ್ತು.
ಗಣಿಗಾರಿಕೆಯ ಉತ್ಪಾದನೆಯ ಬೆಳವಣಿಗೆಯು ಹಿಂದಿನ ವರ್ಷದ ಅವಧಿಗೆ ಹೋಲಿಸಿದರೆ ಪರಿಶೀಲನೆಯ ತಿಂಗಳಿನಲ್ಲಿ ಶೇ.4.6 ರಲ್ಲಿ ಸ್ಥಿರವಾಗಿದೆ. ವಿದ್ಯುತ್ ಉತ್ಪಾದನೆಯು ಫೆಬ್ರವರಿ 2023 ರಲ್ಲಿ ಶೇ. 4.5 ರಿಂದ ಶೇ. 8.2 ರಷ್ಟು ಏರಿಕೆಯಾಗಿದೆ.
Advertisement