ನವದೆಹಲಿ: ನವೆಂಬರ್ 21ಕ್ಕೆ ಕಲರ್ಸ್ ಚಾನೆಲ್ನಲ್ಲಿ ಆರಂಭವಾಗಲಿರುವ ಬಿಗ್ ಬಾಸ್ ರಿಯಾಲಿಟಿ ಶೋ ಎಂಟನೇ ಆವೃತ್ತಿಯಲ್ಲಿ ಭಾಗವಹಿಸಲು ಹಾಲಿವುಡ್ ರಿಯಾಲಿಟಿ ಟಿವಿ ಸ್ಟಾರ್ ಕಿಮ್ ಕರ್ದಾಶಿಯನ್ ಬರ್ತಾ ಇದ್ದಾಳೆ ಅನ್ನುವುದೇ ದೊಡ್ಡ ಸುದ್ದಿಯಾಗಿದೆ. ಅದರೊಂದಿಗೆ ಬಿಗ್ ಬಾಸ್ ಮನೆಗೆ ಬರಲು ಆಕೆಗೆ ಎಷ್ಟು ಸಂಭಾವನೆ ನೀಡಲಾಗಿದೆ? ಎಂಬುದರ ಬಗ್ಗೆ ಕುತೂಹಲವೂ ಹುಟ್ಟಿ ಕೊಂಡಿದೆ.
ಬಲ್ಲಮೂಲಗಳ ಪ್ರಕಾರ ಕಿಮ್ಗೆ ರು. 5 ಕೋಟಿ ಸಂಭಾವನೆ ನೀಡಲಾಗಿದೆ.
ಈಗಾಗಲೇ ಬಿಗ್ಬಾಸ್ ತಮ್ಮ ಸ್ಪರ್ಧಿಗಳ ಬಗ್ಗೆ ಹೆಚ್ಚಿನ ಕುತೂಹಲ ಹುಟ್ಟಿಸಿ ಪ್ರಚಾರ ಮಾಡುತ್ತಿರುವುದರಿಂದ ನಿರೀಕ್ಷೆಯ ಮಟ್ಟವೂ ಹೆಚ್ಚಾಗಿದೆ.
ಕೆಲವು ವರ್ಷಗಳ ಹಿಂದೆ ಪಮೇಲಾ ಆ್ಯಂಡ್ರಸನ್ ಬಿಗ್ಬಾಸ್ ಮನೆಗೆ ಪ್ರವೇಶಿಸಿದಾಗ ಬಿಗ್ಬಾಸ್ ಟಿಆರ್ಪಿ ಮೇಲಕ್ಕೇರಿತ್ತು. ಅದೇ ರೀತಿ ಈ ಬಾರಿ ಕಿಮ್ ಆಗಮನದಿಂದ ಟಿಆರ್ಪಿ ಹೆಚ್ಚಾಗುತ್ತೆ ಎಂಬ ನಿರೀಕ್ಷೆ ಕಾರ್ಯಕ್ರಮ ಆಯೋಜಕರದ್ದು.
ಬಿಗ್ಬಾಸ್ನಲ್ಲಿ ಪಮೇಲಾ ಮಾಡಿದ ಮೋಡಿ ಕಿಮ್ ಕೂಡಾ ಮಾಡ್ತಾಳಾ? ಕಾದು ನೋಡಬೇಕಾಗಿದೆ.
Advertisement