ಬಿಡುಗಡೆಗೂ ಮುನ್ನ 60 ಕೋಟಿ ಸಂಪಾದಿಸಿದ ಹೃತಿಕ್ 'ಮೆಹೆಂಜೋದಾರೋ'

ಬಾಲಿವುಡ್ ನ ಬಹುನಿರೀಕ್ಷಿತ ಹೃತಿಕ್ ರೋಷನ್ ಅಭಿನಯದ ಮೆಹೆಂಜೋ ದಾರೋ ಚಿತ್ರ ಬಿಡುಗಡೆಗೂ ಮುನ್ನ ಭಾರೀ ಗಳಿಕೆ ಮಾಡಿದೆ.

ಆಗಸ್ಟ್ 12ರ ವರಮಹಾಲಕ್ಷ್ಮಿ ಹಬ್ಬದ ದಿನ ಬಿಡುಗಡೆಯಾಗುತ್ತಿರುವ ಚಿತ್ರ ಭಾರೀ ನಿರೀಕ್ಷೆ ಹುಟ್ಟಿಸಿದೆ. ಚಿತ್ರವನ್ನು ಲಗಾನ್ ಖ್ಯಾತಿಯ ಅಶುತೋಷ್ ಗೌರಿಕ್ಕರ್ ನಿರ್ದೇಶಿಸಿದ್ದು, ಚಿತ್ರದ ಸ್ಯಾಟಲೈಟ್ ಹಕ್ಕು 45 ಕೋಟಿ ಹಾಗೂ ಸಂಗೀತದ ಹಕ್ಕು 15 ಕೋಟಿಗೆ ಸೇಲಾಗಿದ್ದು ಬರೋಬ್ಬರಿ 60 ಕೋಟಿ ರುಪಾಯಿ ಸಂಪಾದಿಸಿದೆ.

ಪ್ರಚಾರ ಮತ್ತು ಜಾಹೀರಾತು ಸೇರಿದಂತೆ ಚಿತ್ರದ ಬಜೆಟ್ ಒಟ್ಟು 115 ಕೋಟಿ ಎಂದು ಹೇಳಲಾಗುತ್ತಿದೆ.

ಮೆಹೆಂಜೋದಾರೋ ಹಾಗೂ ಅಕ್ಷಯ್ ಕುಮಾರ್ ಅಭಿನಯದ ರಸ್ತುಂ ಚಿತ್ರ ದೇಶಾದ್ಯಂತ ಏಕಕಾಲಕ್ಕೆ ಬಿಡುಗಡೆಯಾಗುತ್ತಿದ್ದು ಎರಡು ಚಿತ್ರಗಳ ತೀವ್ರ ಪೈಪೋಟಿ ಎದುರಾಗಿದೆ. ಬಾಲಿವುಡ್ ನ ಸುಲ್ತಾನ್ ಸಲ್ಮಾನ್ ಖಾನ್, ರಣ್ವೀರ್ ಸಿಂಗ್ ಸೇರಿದಂತೆ ಇತರ ಸ್ಟಾರ್ ಗಳು ಸಾಮಾಜಿಕ ಜಾಲತಾಣದಲ್ಲಿ ರಸ್ತುಂ ಚಿತ್ರವನ್ನು ಪ್ರಮೋಟ್ ಮಾಡಿದ್ದಾರೆ. ಆದರೆ ಮೆಹೆಂಜೋದಾರೋ ಚಿತ್ರಕ್ಕೆ ಈ ಮಟ್ಟದ ಬೆಂಬಲ ಸಿಗದಿದ್ದರು. ಚಿತ್ರ ಬಿಡುಗಡೆಗೂ ಮುನ್ನ 60 ಕೋಟಿ ಸಂಪಾದಿಸಿದೆ.

ಚಿತ್ರದಲ್ಲಿ ಕನ್ನಡತಿ ಪೂಜಾ ಹೆಗ್ಡೆ ಹಾಗೂ ಹೃತಿಕ್ ರೋಶನ್ ಅಭಿನಯಿಸಿದ್ದು, ಈ ಚಿತ್ರ ಸಿಂಧು ಕಣಿವೆ ನಾಗರೀಕತೆಯ ಅಂಶಗಳ ಆಧಾರದ ಮೇಲೆ ಪ್ರೇಮ ಹಾಗೂ ಸಾಹಸ ಪ್ರಧಾನ ಅಂಶಗಳನ್ನು ಒಳಗೊಂಡ ಥ್ರಿಲ್ಲರ್ ಚಿತ್ರಿವಾಗಿದೆ.