ಹೃತಿಕ್ 'ಕಾಬಿಲ್' ಮೊದಲ ನೋಟ ಬಿಡುಗಡೆ

ಬೆಂಗಳೂರು: ವಿವಾದಗಳಿಂದಲೇ ಕೆಲವು ದಿನಗಳಿಂದ ಸುದ್ದಿಯಲ್ಲಿದ್ದ ಬಾಲಿವುಡ್ ಸೂಪರ್ ಸ್ಟಾರ್ ಹೃತಿಕ್ ರೋಶನ್ ಅಭಿಮಾನಿಗಳಿಗೆ ಸಂತಸ ತರುವ ಸುದ್ದಿಯಲ್ಲಿ ನಟನ ಮುಂದಿನ ಚಿತ್ರ 'ಕಾಬಿಲ್' ಸಿನೆಮಾದ ಮೊದಲ ನೋಟ ಬಿಡುಗಡೆಯಾಗಿದೆ. ಈ ಚಿತ್ರದಲ್ಲಿ ಹೃತಿಕ್ ರೋಶನ್ ಎದುರು ಯಾಮಿ ಗೌತಮ್ ನಟಿಸುತ್ತಿದ್ದಾರೆ.

ಸಿನೆಮಾ ಮಾರುಕಟ್ಟೆ ತಜ್ಞ ತರಣ್ ಆದರ್ಶ್ 'ಕಾಬಿಲ್' ಸಿನೆಮಾದ ಪೋಸ್ಟರ್ ಅನ್ನು ಟ್ವೀಟ್  ಮಾಡಿದ್ದು, ಭಿತ್ತಿಚಿತ್ರದಲ್ಲಿ ಹೊಳೆಯುವ ಕಣ್ಣುಗಳುಳ್ಳ ಗ್ರೀಕ್ ದೇವರ ರೀತಿಯ ಹೃತಿಕ್ ಚಿತ್ರವನ್ನೊಳಗೊಂಡಿದೆ. "ಕಾಬಿಲ್ ನ ಮೊದಲ ನೋಟ. ೨೬ ಜನವರಿ ೨೦೧೭ಕ್ಕೆ ಬಿಡುಗಡೆ" ಎಂದು ಕೂಡ ಅವರು ಬರೆದಿದ್ದಾರೆ.

ಸಂಜಯ್ ಗುಪ್ತಾ ನಿರ್ದೇಶನದ 'ಕಾಬಿಲ್' ಸರಿ ಸುಮಾರು ಶಾರುಕ್ ಖಾನ್ ಅವರ 'ರಯೀಸ್' ಸಿನೆಮಾದ ಬಿಡುಗಡೆ ಸಮಯಕ್ಕೆ ಬರಲಿದ್ದು ಎರಡು ದೊಡ್ಡ ನಟರ ಸಿನೆಮಾಗಳು ಸೆಣಸಲಿವೆ.