ಶೋಲೆ ಖ್ಯಾತಿಯ ಬಾಲಿವುಡ್ ನಟ ರಾಜ್ ಕಿಶೋರ್ ನಿಧನ

 ಮುಂಬೈ :  ಶೋಲೆ ಚಿತ್ರದಲ್ಲಿನ ಖೈದಿಗಳಲ್ಲಿ ಒಬ್ಬರಾಗಿದ್ದ  ನಟ  ರಾಜ್ ಕಿಶೋರ್   ನಿಧನ ಹೊಂದಿದ್ದಾರೆ. ಅವರಿಗೆ 85 ವರ್ಷ ವಯಸ್ಸಾಗಿತ್ತು.

ಕೆಲ ದಿನಗಳಿಂದಲೂ ಉದರ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದ ರಾಜ್ ಕಿಶೋರ್ ಕಳೆದ ರಾತ್ರಿ ರಾತ್ರಿ ಹೃದಯಾಘಾತವಾಗಿ ಗುರಗಾಂವ್ ನಲ್ಲಿ ನ ಅವರ ನಿವಾಸದಲ್ಲಿ ಮೃತಪಟ್ಟರು ಎಂಬುದಾಗಿ ಸಿನಿಮಾ ಮತ್ತು ಟಿವಿ ಕಲಾವಿದರ ಸಂಘದ ಸದಸ್ಯ ನೂಪುರ್ ಅಲಂಕರ್ ತಿಳಿಸಿದ್ದಾರೆ.

 ಪತ್ನಿ ಹಾಗೂ ಒಬ್ಬ ಮಗನನನ್ನು ರಾಜ್ ಕಿಶೋರ್ ಅಗಲಿದ್ದು, ಸ್ಮಶಾನದಲ್ಲಿ ಇಂದು ಬೆಳಿಗ್ಗೆ ಅವರ ಅಂತ್ಯಕ್ರಿಯೆ ನೆರವೇರಿಸಲಾಯಿತು.

ಶೋಲೆ  ಮಾತ್ರವಲ್ಲದೆ, ಪಡೊಸನ್ ( 1968) ದೀವಾರ್ (1975)  ರಾಮ್ ಔರ್ ಶ್ಯಾಮ್ ( 1967)ಹರೇ ರಾಮ ಹರೇ ಕೃಷ್ಣ ( 1971) ಅಸಮಾನ್ (1984)  ಬಾಂಬೆ ಟು ಗೋವಾ ( 1972) ಕರಣ್ ಅರ್ಜುನ್ (1995) ಸೇರಿದಂತೆ ಹಲವು ಚಿತ್ರಗಳಲ್ಲಿ ರಾಜ್ ಕಿಶೋರ್  ಅಭಿನಯಿಸಿದ್ದರು.

 ರಾಜ್ ಕಿಶೋರ್ ನಿಧನಕ್ಕೆ ಹಲವು ಗಣ್ಯರು ಶ್ರದ್ದಾಂಜಲಿ ಸಲ್ಲಿಸಿದ್ದಾರೆ.