ವಾಷಿಂಗ್ಟನ್: ಜುಲೈ 4ರಂದು(ಅಮೆರಿಕಾ ಸ್ವತಂತ್ರ ಹೊಂದಿದ ದಿವಸ) ಅಂದರೆ ಮೊನ್ನೆ ಮಂಗಳವಾರ ತನ್ನ ಗೆಳೆಯ ಅಮೆರಿಕಾದ ಪ್ರಸಿದ್ಧ ಹಾಡುಗಾರ ಮತ್ತು ಸಂಗೀತ ಸಂಯೋಜಕ ನಿಕ್ ಜೊನಸ್ ಜೊತೆ ಅಮೆರಿಕಾದ ಬೀದಿಗಳಲ್ಲಿ ಕೈ ಕೈ ಹಿಡಿದು ಓಡಾಡಿದ್ದು ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಇತ್ತೀಚೆಗೆ ಭಾರತಕ್ಕೆ ಬಂದಿದ್ದ ಈ ತಾರಾ ಜೋಡಿ ಮುಂಬೈ, ಗೋವಾ ಎಂದು ಸುತ್ತಾಡಿ ಮಾಧ್ಯಮಗಳಲ್ಲಿ ಭಾರೀ ಸುದ್ದಿಯಾಗಿದ್ದರು. ಮುಖೇಶ್ ಅಂಬಾನಿ ಮಗನ ನಿಶ್ಚಿತಾರ್ಥಕ್ಕೆ ಕೂಡ ಜೊತೆಯಾಗಿ ಆಗಮಿಸಿ ಕ್ಯಾಮರಾಗೆ ಖುಷಿಯಿಂದಲೇ ಫೋಸ್ ಕೊಟ್ಟಿದ್ದರು. ಈ ಮಧ್ಯೆ ಬ್ರೆಝಿಲ್ ಗೂ ಹೋಗಿಬಂದರು. ಇದೀಗ ಮತ್ತೆ ತಮ್ಮ ನ್ಯೂಯಾರ್ಕ್ ಗೆ ತೆರಳಿರುವ ಜೋಡಿ ಅಲ್ಲಿ ಮತ್ತೆ ಒಟ್ಟೊಟ್ಟಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾರೆ. ಪ್ರಿಯಾಂಕಾ ಚೋಪ್ರಾ ನಿಖ್ ಕುಟುಂಬದವರ ಜೊತೆ ಸಮಯ ಕಳೆಯುತ್ತಿದ್ದಾರೆ.
ಇ! ಆನ್ ಲೈನ್ ವರದಿ ಮಾಡಿರುವ ಪ್ರಕಾರ, ನಿಖ್ ಜೊನಸ್ ಸೋದರ ಜೊ ಜೊನಸ್ ಮತ್ತು ಆತನ ಭಾವಿ ಪತ್ನಿ ಸೋಫಿ ಟರ್ನರ್ ಜೊತೆಗೆ ಪ್ರಿಯಾಂಕಾ ಮತ್ತು ನಿಖ್ ಮೊನ್ನೆ ಸೈಕ್ಲಿಂಗ್ ಹೋಗಿದ್ದರು. ಬಿಳಿ ಟೀಶರ್ಟ್ ನಲ್ಲಿ ಇಬ್ಬರೂ ಮಿಂಚುತ್ತಿದ್ದರು.ಕಳೆದ ವರ್ಷದ ಮೆಟ್ ಗಾಲಾ ರೆಡ್ ಕಾರ್ಪೆಟ್ ನಲ್ಲಿ ಇವರಿಬ್ಬರೂ ಜೊತೆಯಾಗಿ ಕಾಣಿಸಿಕೊಂಡ ನಂತರ ಇವರ ಸಂಬಂಧದ ಬಗ್ಗೆ ಅಲ್ಲಲ್ಲಿ ಗುಸುಗುಸು ಕೇಳಿಬರುತ್ತಿದ್ದು ಅದೀಗ ಬಲವಾಗಿದೆ.
Advertisement