ಪತ್ರಕರ್ತ, ಸಾಹಿತಿ, ಸಂಪಾದಕರೂ ಆಗಿದ್ದ ಮನು ಜೋಸೆಫ್ ಅವರ ಪುಸ್ತಕ 'ಡೀಕಪಲ್ಡ್' ಅನ್ನು ಆಧರಿಸಿದ ಧಾರಾವಾಹಿ ಸರಣಿ ಟ್ರೇಲರ್ ಬಿಡುಗಡೆಯಾಗಿದೆ. ಸಿನಿಮಾವನ್ನು ಮನು ಜೋಸೆಫ್ ಅವರೇ ನಿರ್ಮಿಸುತ್ತಿದ್ದಾರೆ.
ನೆಟ್ ಫ್ಲಿಕ್ಸ್ ಒಟಿಟಿ ಪ್ಲಾಟ್ ಫಾರ್ಮ್ ಅಡಿ ನಿರ್ಮಾಣಗೊಳ್ಳುತ್ತಿರುವ ಈ ಧಾರಾವಾಹಿ ಸರಣಿಯಲ್ಲಿ ಮಾಧವನ್, ಸುರ್ವೀನ್ ಚಾವ್ಲಾ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ.
ಶ್ರುತಿ ದೊಡ್ಡ ಸಂಸ್ಥೆಯೊಂದರ ಸಿಇಒ. ಆರ್ಯ ಸಣ್ಣಮಟ್ಟದ ಕಾದಂಬರಿಕಾರ. ಇವರ ಸಾಂಸಾರಿಕ ಜೀವನದಲ್ಲಿನ ಸಂಘರ್ಷ ಬಿರುಕುಗಳ ಕಥಾವಸ್ತುವನ್ನು ಈ ಸಿನಿಮಾ ಹೊಂದಿದೆ. ಮಾಧವನ್ ಮತ್ತು ಸುರ್ವೀನ್ ಚಾವ್ಲಾರಂಥ ಅದ್ಭುತ ಕಲಾವಿದರು ತಮ್ಮ ಸಿನಿಮಾದಲ್ಲಿ ನಟಿಸುತ್ತಿರುವುದಕ್ಕೆ ಮನು ಜೋಸೆಫ್ ಅವರು ಹೆಮ್ಮೆ ವ್ಯಕ್ತಪಡಿಸಿದ್ದಾರೆ.
ಪ್ರತಿ ಸೀನ್ ಚಿತ್ರೀಕರಣವಾಗುವಾಗಲೂ ಇಬ್ಬರೂ ನಟರು ಕ್ಷಣಮಾತ್ರದಲ್ಲಿ ಕಥೆಯ ಕಾಲ್ಪನಿಕ ಲೋಕದೊಳಗೆ ಪ್ರವೇಶ ಮಾಡುತ್ತಿದ್ದರು ಎಂದು ಮನು ಚಿತ್ರೀಕರಣದ ಅನುಭವ ಹಂಚಿಕೊಂಡಿದ್ದಾರೆ.
Advertisement