ಚೆನ್ನೈ: ರಾಮ್ ಚರಣ್ ಅವರ ತೆಲುಗು ಆಕ್ಷನ್ ಚಿತ್ರ 'ಬ್ರೂಸ್ ಲೀ: ದ ಫೈಟರ್' ನಲ್ಲಿ ಅತಿಥಿ ನಟನಾಗಿ ಕೊನೆಯ ಬಾರಿ ಕಾಣಿಸಿಕೊಂಡ ಮೆಗಾಸ್ಟಾರ್ ಚಿರಂಜೀವಿ ಅವರು ತಮಿಳು ಬ್ಲಾಕ್ ಬಸ್ಟರ್ 'ಕತ್ತಿ'ಯ ರಿಮೇಕ್ ನಲ್ಲಿ ನಾಯಕನಟನಾಗಿ ಕಾಣಿಸಿಕೊಳ್ಳಲಿದ್ದಾರೆ.
"ಈ ಯೋಜನೆ ಅಂತಿಮವಾಗಿದೆ. ಇದು 'ಕತ್ತಿ'ಯ ಅಧಿಕೃತ ರಿಮೇಕ್ ಮತ್ತು ಈ ಸಿನೆಮಾವನ್ನು ವಿ ವಿ ವಿನಾಯಕ್ ನಿರ್ದೇಶಿಸಲಿದ್ದಾರೆ" ಎಂದು ರಾಮಚರಣ್ ಅವರ ಹತ್ತಿರದ ಮೂಲಗಳು ತಿಳಿಸಿದ್ದಾರೆ.
ಇದು ಚಿರಂಜೀವಿ ಅವರ ೧೫೧ ನೆ ಚಿತ್ರವಾಗಲಿದ್ದು ಮುಂದಿನ ವರ್ಷದ ಮೊದಲ ಭಾಗದಲ್ಲಿ ಚಿತ್ರೀಕರಣ ಪ್ರಾರಂಭವಾಗಲಿದೆಯಂತೆ. ಈ ಸಿನೆಮಾಗೆ ರಾಮ ಚರಣ್ ಮೊದಲ ಬಾರಿಗೆ ನಿರ್ಮಪಕರಾಗಲಿದ್ದಾರೆ.
ಮೂಲದಲ್ಲಿ ಎ ಆರ್ ಮುರಗದಾಸ್ ನಿರ್ದೇಶನದ ಈ ಚಿತ್ರ ಬಹುದೇಶಿ ಸಂಸ್ಥೆಗಳಿಂದ ರೈತರು ಅನುಭವಿಸುವ ಬವಣೆಗಳನ್ನು ಚಿತ್ರಿಸಿತ್ತು.
ತೆಲುಗು ಚಿತ್ರದ ಉಳಿದ ನಟರನ್ನು ಅಂತಿಮಗೊಳಿಸಬೇಕಿದೆ.
Advertisement