ಬೆಂಗಳೂರು: ವಿಧಾನ ಪರಿಷತ್ ಸದಸ್ಯೆ ತಾರಾ ಅನುರಾಧ ಗೌರಿ ಹಬ್ಬವನ್ನು ಒಂದು ದಿನ ಮುಂಚಿತವಾಗಿಯೇ ಪೊಲೀಸ್ ಠಾಣೆಯಲ್ಲಿ ಆಚರಿಸಿದ್ದಾರೆ. ಹಲಸೂರು ಗೇಟ್ ಪೊಲೀಸ್ ಠಾಣೆಯಲ್ಲಿ ಸುಮಾರು 30 ಮಂದಿ ಮಹಿಳಾ ಪೊಲೀಸರಿಗೆ ಬಾಗಿನ ನೀಡಿದ ತಾರಾ ಅನುರಾಧ ಗೌರವ ಅರ್ಪಿಸಿದರು.
ತಾವು ಕಲಾವಿದೆಯಾಗಿ ಹಾಗೂ ರಾಜಕಾರಣಿಯಾಗಿ ಪೊಲೀಸರ ಕಾರ್ಯವನ್ನು ಕಂಡಿದ್ದೇನೆ. ಹಬ್ಬ ಹರಿದಿನಗಳಲ್ಲೂ ಇವರುಗಳಿಗೆ ರಜೆಯಿರುವುದಿಲ್ಲ. ಜನರ ರಕ್ಷಣೆಗಾಗಿ ಹಗಲಿರುಳು ಶ್ರಮಿಸುವ ಮಹಿಳಾ ಪೊಲೀಸರಿಗೆ ಗೌರಿ ಹಬ್ಬದ ಅಂಗವಾಗಿ ಬಾಗಿನ ನೀಡಿ ಗೌರವಿಸುತ್ತಿರುವುದಾಗಿ ಹೇಳಿದರು.
