ಚೆನ್ನೈ: ನನ್ನ ತಂದೆಯೇ ನನ್ನ ಸಿನಿಮಾಗಳ ದೊಡ್ಡ ವಿಮರ್ಶಕ, ಹಾಗೂ ಅವರು ನನ್ನ ಜೀವನ ಹಾಗೂ ಕಲೆಗೆ ಸಂಬಂಧಿಸಿದಂತೆ ಉತ್ತಮವಾದ ಸಲಹೆಗಳನ್ನು ನೀಡುತ್ತಾರೆ ಎಂದು ನಟಿ ಶೃತಿ ಹಾಸನ್ ಹೇಳಿದ್ದಾರೆ.
ಶೃತಿ ಹಾಸನ್ ಹೊಸ ಸಿನಿಮಾ ಬೆಹೆನ್ ಹೋಗಿ ತೇರಿ ಸಿನಿಮಾವನ್ನು ತಮ್ಮ ಬಾಲ್ಯ ಸ್ನೇಹಿತರು ಹಾಗೂ ತಮ್ಮ ತಂದೆ ಕಮಲ್ ಹಾಸನ್ ಗಾಗಿ ವಿಶೇಷ ಪ್ರದರ್ಶನ ಏರ್ಪಡಿಸಿದ್ದರು.
ಈ ವೇಳೆ ಮಾತನಾಡಿದ ಶೃತಿ, ನನ್ನ ತಂದೆ ಮತ್ತು ನನ್ನ ಬಾಲ್ಯ ಸ್ನೇಹಿತರಿಗೆ ತಾವು ಅಭಿನಯಿಸಿದ ಸಿನಿಮಾ ತೋರಿಸಿದ್ದು ಬಹಳ ಸಂತಸದ ವಿಷಯ ಎಂದು ಹೇಳಿದ್ದಾರೆ,
ಲಂಡನ್ ನಲ್ಲಿ ಅಂತರರಾಷ್ಟ್ರೀಯ ಸಂಗೀತ ಕಾರ್ಯಕ್ರಮವಿದ್ದು, ಅಲ್ಲಿಗೆ ತೆರಳುತ್ತಿರುವುದಾಗಿ ಹೇಳಿರುವ ಶೃತಿ. ಪ್ರತಿಯೊಬ್ಬರು ತಮ್ಮ ಸಿನಿಮಾವನ್ನು ಎಂಜಾಯ್ ಮಾಡಿದರು ಎಂದು ತಿಳಿಸಿದ್ದಾರೆ.
ಸಂಘಮಿತ್ರ ಸಿನಿಮಾದಿಂದ ಹೊರ ಬಂದಿರುವ ಶೃತಿ ಹಾಸನ್, ತಮ್ಮ ತಂದೆ ಕಮಲ್ ಹಾಸನ್ ಮುಂದಿನ ಸಿನಿಮಾ ಶಹಬ್ಬಾಸ್ ನಾಯ್ಚು ಚಿತ್ರಕ್ಕಾಗಿ ಕೆಲಸ ಮಾಡುತ್ತಿದ್ದಾರೆ.
