ತೆಲುಗಿನ ಖ್ಯಾತ ನಿರ್ಮಾಪಕನ ಮಗ ನನ್ನ ಜತೆ ಬಲವಂತವಾಗಿ ಸೆಕ್ಸ್: ಶ್ರೀ ರೆಡ್ಡಿ ಹೊಸ ಬಾಂಬ್

ತೆಲುಗು ಚಿತ್ರರಂಗದಲ್ಲಿ ಕೆಲವು ನಿರ್ಮಾಪಕರು ಮತ್ತು ನಿರ್ದೇಶಕರು ತಮ್ಮ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿದ್ದಾರೆ ಎಂದು ಆರೋಪಿಸಿದ್ದ ನಟಿ ಶ್ರೀ ರೆಡ್ಡಿ ಅವರು ಇದೀಗ ಹೊಸ ಬಾಂಬ್ ಸಿಡಿಸಿದ್ದಾರೆ. 

ತೆಲುಗು ಚಿತ್ರರಂಗದ ಖ್ಯಾತ ನಿರ್ಮಾಪಕರೊಬ್ಬರ ಪುತ್ರ ಸ್ಟುಡಿಯೋ ಒಂದರಲ್ಲಿ ನನ್ನ ಜತೆ ಸೆಕ್ಸ್ ಮಾಡಿದ್ದರು ಎಂದು ಶ್ರೀರೆಡ್ಡಿ ಆರೋಪಿಸಿದ್ದಾರೆ. 

ನಿರ್ಮಾಪಕರ ಮಗ ನನ್ನನ್ನು ಸ್ಟುಡಿಯೋಗೆ ಕರೆದುಕೊಂಡು ಹೋಗಿ ನನ್ನನ್ನು ಬಲವಂತವಾಗಿ ಲೈಂಗಿಕವಾಗಿ ಬಳಸಿಕೊಂಡಿದ್ದರು. ನನ್ನನ್ನು ಸ್ಟುಡಿಯೋಗೆ ಬರುವಂತೆ ಕರೆದಾಗ ಮಾತನಾಡಲು ಮಾತ್ರ ಕರೆಯುತ್ತಿದ್ದರೆ ಬರುವುದಾಗಿ ಹೇಳುತ್ತಿದ್ದೆ, ಆದರೆ ಅಲ್ಲಿಗೆ ಹೋದ ನಂತರ ಸೆಕ್ಸ್ ಗಾಗಿ ಒತ್ತಾಯಿಸುತ್ತಿದ್ದ ಎಂದು ಶ್ರೀರೆಡ್ಡಿ ಆರೋಪಿಸಿದ್ದಾರೆ. 

ದೊಡ್ಡ ನಿರ್ದೇಶಕರು, ನಿರ್ಮಾಪಕರು ಮತ್ತು ನಟರು ತಮ್ಮ ಲೈಂಗಿಕ ತೃಷೆಯನ್ನು ತೀರಿಸಿಕೊಳ್ಳಲು ಸ್ಟುಡಿಯೋಗಳನ್ನು ವೇಶ್ಯಾವಾಟಿಕೆಗಳಂತೆ ಬಳಸಿಕೊಳ್ಳುತ್ತಿದ್ದಾರೆ. ಸ್ಟುಡಿಯೋಗಳ ಒಳಗೆ ಯಾರು ಬರುವುದಿಲ್ಲ ಎಂಬ ಧೈರ್ಯದಿಂದ ಇದು ನಡೆಯುತ್ತಿದೆ ಎಂದು ಹೇಳಿದ್ದಾರೆ. 

ಇನ್ನು ತಮ್ಮನ್ನು ಲೈಂಗಿಕವಾಗಿ ಬಳಸಿಕೊಂಡ ಖ್ಯಾತ ನಿರ್ಮಾಪಕರ ಪುತ್ರನ ಹೆಸರು ಹಾಗೂ ಫೋಟೋವನ್ನು ಬಹಿರಂಗಪಡಿಸುವುದಾಗಿ ಹೇಳಿದ್ದಾರೆ.