ತಾರಕಾಸುರನಿಗೆ ಶಿವಣ್ಣ ಹಿನ್ನೆಲೆ ಗಾಯನ!

ಬೆಂಗಳೂರು: ಪುನೀತ್ ರಾಜ್ ಕುಮಾರ ಅವರಂತೆ ಅವರ ಹಿರಿಯ ಸಹೋದರ ಶಿವರಾಜ್ ಕುಮಾರ್ ‘ರಥಾವರ’ ಖ್ಯಾತಿಯ ಚಂದ್ರಶೇಖರ್ ಬಂಡಿಯಪ್ಪ ನಿರ್ದೇಶನದ ‘ತಾರಕಾಸುರ’ ಚಿತ್ರದ ಹಾಡೊಂದನ್ನು ಶಿವಣ್ಣ ಹಾಡಿದ್ದಾರೆ. ಈ ಮೂಲಕ ಅವರು ಮತ್ತೆ ಮೈಕ್ ಹಿಡಿದಿದ್ದಾರೆ. 

ಹೊಸ ಪ್ರತಿಭೆ ವೈಭವ್ ಚೊಚ್ಚಲ ಬಾರಿಗೆ ನಾಯಕನಾಗಿ ನಟಿಸುತ್ತಿರುವ ಈ ಚಿತ್ರದಲ್ಲಿ ನಾಯಕಿಯಾಗಿ ಮಾನ್ವಿತಾ ಹರೀಶ್ ನಟಿಸುತ್ತಿದ್ದಾರೆ. ಇದೇ ಚಿತ್ರದ ನಾಯಕನ ಇಂಟ್ರೊಡಕ್ಷನ್ ಗೀತೆಯನ್ನೇ ಶಿವಣ್ಣ ಹಾಡಿರುವುದು. ಈ ಬಗ್ಗೆ ಮಾಹಿತಿ ನೀಡುವ ನಿರ್ದೇಶಕ ಚಂದ್ರಶೇಖರ್, ‘ಇದು ಹೀರೋ ಇಂಟ್ರೊಡಕ್ಷನ್ ಸಾಂಗ್ ಆಗಿದ್ದರೂ, ತುಂಬ ವಿಶೇಷವಾಗಿದೆ. 

ಮಕ್ಕಳಿಗೆ ತುಂಬ ಇಷ್ಟವಾಗುವಂತಹ ಹಾಡು ಇದಾಗಿದೆ. ಅಲ್ಲದೆ, ಹಾಡಿನ ಮೂಲಕವೇ ಸಂದೇಶವೊಂದನ್ನು ಹೇಳಿದ್ದೇವೆ. ಇದಕ್ಕಾಗಿ ಶಿವರಾಜ್​ಕುಮಾರ್ ಬಳಿ ಕೇಳಿಕೊಂಡೆವು. ಟ್ಯೂನ್ ಕೇಳಿದೊಡನೆ, ಖುಷಿಯಿಂದಲೇ ಅವರು ಹಾಡಲು ಒಪ್ಪಿಕೊಂಡರು’ 

ಧರ್ಮ ವಿಶ್ ಸಂಗೀತ ನೀಡಿರುವ ಈ ಹಾಡಿಗೆ ಕವಿರಾಜ್ ಸಾಹಿತ್ಯ ಬರೆದಿದ್ದಾರೆ. ಜುಲೈ 12ರಂದು ಶಿವರಾಜ್​ಕುಮಾರ್ ಬರ್ತ್​ಡೇ. ಆ ದಿನದಂದೇ ಈ ಹಾಡನ್ನು ರಿಲೀಸ್ ಮಾಡಬೇಕೆನ್ನುವ ಉದ್ದೇಶವನ್ನು ಚಿತ್ರತಂಡ ಇಟ್ಟುಕೊಂಡಿದೆ.