ಅಂಬಿ-ಸುಮಲತಾ ವಿವಾಹ ವಾರ್ಷಿಕೋತ್ಸವ: ಅಪರೂಪದ ವೀಡಿಯೋ ಶೇರ್ ಮಾಡಿ ಪತಿಯ ಸ್ಮರಿಸಿದ ಮಂಡ್ಯ ಸಂಸದೆ

ಬೆಂಗಳೂರು: ರೆಬೆಲ್ ಸ್ಟಾರ್ ಅಂಬರೀಶ್-ಸುಮಲತಾ ಅವರ ವಿವಾಹವಾಗಿ ಇಂದಿಗೆ 28 ವರ್ಷ. ಈ ಹಿನ್ನೆಲೆಯಲ್ಲಿ ನಟಿ, ಮಂಡ್ಯ ಸಂಸದೆಯಾಗಿರುವ ಸುಮಲತಾ ಅಂಬರೀಶ್ ತಮ್ಮ ದಿವಂಗತ ಪತಿಯನ್ನು ಸ್ಮರಿಸಿ ಸಾಮಾಜಿಕ ತಾಣ ಟ್ವಿಟ್ಟರ್ ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ. ಅಪರೂಪದ ವೀಡಿಯೋಗಳನ್ನು ಶೇರ್ ಮಾಡಿಕೊಳ್ಳುವ ಮೂಲಕ ಅವರು ರೆಬೆಲ್ ಸ್ಟಾರ್ ಅಂಬಿ ಜತೆ ಕಳೆದ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.

1991ರ ಡಿಸೆಂಬರ್ 8 ರಂದು ಅಂಬರೀಶ್-ಸುಮಲತಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.

“1991ರ ಡಿಸೆಂಬರ್ 8 ರಂದು ವಿವಾಹವಾಗಿದ್ದು, ಇಂದಿಗೆ 28 ವರ್ಷಗಳು ತುಂಬಿವೆ. ಈ ಇಷ್ಟು ವರ್ಷಗಳಲ್ಲಿ ಹಂಚಿಕೆ, ಕಾಳಜಿ, ನಗು, ಅಳು, ಕಣ್ಮರೆಯಾಗುವ, ಶೋಧಿಸುವ, ಕತ್ತಲು, ಬೆಳಕು, ಹತಾಶೆ, ಸಂತೋಷ, ಪ್ರೀತಿ ಎಲ್ಲಾ ಜತೆಯಾಗಿ ಇದ್ದವು.ಮತ್ತು ಅದ್ಯಾವಾಗಲೂ ಅವು ಜತೆಯಾಗಿರಲಿದೆ. ಸದಾ ನಿಮ್ಮನ್ನು ಪ್ರೀತಿಸುವೆ" ಸುಮಲತಾ ಟ್ವೀಟ್ ಮಾಡಿಕೊಂಡಿದ್ದಾರೆ.

ಅಲ್ಲದೆ ತಮ್ಮ ಇನ್ನೊಂದು ಟ್ವೀಟ್ ನಲ್ಲಿ ಅಂಬಿಯೊಡನೆ ತಾವು ಅಭಿನಯಿಸಿದ್ದ "ತಾಯಿಗೊಬ್ಬ ಕರ್ಣ" ಚಿತ್ರದ ಹಾಡ್ಂದನ್ನು ಹಂಚಿಕೊಂಡಿರುವ ಸುಮಲತಾ "ಈ ನೆನಪು ಒಂದು ನಗುವನ್ನು ತರುತ್ತದೆ" ಎಂದಿದ್ದಾರೆ.ಜತೆಗೆ ಅಂಬಿ-ಸುಮಲತಾ ಇಬ್ಬರೂ ಜತೆಯಾಗಿರುವ ಅಪರೂಪದ ಫೋಟೋ, ವೀಡಿಯೋಗಳನ್ನು ಸಹ ಸುಮಲತಾ ಸಾಮಾಜಿಕ ತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

On our 28th wedding anniversary
This memory brings a smile..href="https://t.co/2ExLjdE7DX">https://t.co/2ExLjdE7DX
— Sumalatha Ambareesh