ಬೆಂಗಳೂರು: ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಪ್ರಸಿದ್ದ ಧಾರಾವಾಹಿ "ಅಗ್ನಿಸಾಕ್ಷಿ" ಯ ಸಿದ್ದಾರ್ಥ್ ಪಾತ್ರಧಾರಿ ವಿಜಯ್ ಸೂರ್ಯಗೆ ಕಂಕಣ ಬಲ ಕೂಡಿ ಬಂದಿದೆ. ಪ್ರೇಮಿಗಳ ದಿನದಂದೇ ವಿಜಯ್ ಸೂರ್ಯ ತಮ್ಮ ದೂರದ ಸಂಬಂಧಿ ಚೈತ್ರಾ ಅವರನ್ನು ವರಿಸಿದ್ದಾರೆ.
ವಿಜಯ್ ಸೂರ್ಯ ವಿವಾಹದ ಸುದ್ದಿ ಈ ಮುನ್ನವೇ ಬಹಿರಂಗವಾಗಿತ್ತು. ಆದರೆ ಪ್ರೇಮಿಗಳ ದಿನದಂದೇ ಅವರ ವಿವಾಹ ಏರ್ಪಾಡಾಗಿದ್ದದ್ದು ವಿಶೇಷ. ಗುರು ಹಿರಿಯರು, ಕುಟುಂಬದವರ ಸಮ್ಮುಖದಲ್ಲಿ ವಿಜಯ್-ಚೈತ್ರಾ ವಿವಾಹ ನೆರವೇರೆಇದೆ.
ಖಾಸಗಿ ವಾಹಿನಿ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ "ಅಗ್ನಿಸಾಕ್ಷಿ" ಧಾರಾವಾಹಿಯಲ್ಲಿ ಸಿದ್ದಾರ್ಥ್ ಪಾತ್ರಧಾರಿಯಾಗಿರುವ ವಿಜಯ್ ಅದೇ ಹೆಸರಿಂದ ಹೆಚ್ಚು ಚಿರಪರಿಚಿತರಾಗಿದ್ದಾರೆ. ಇನ್ನು ವಿಜಯ್ "ಇಷ್ಟಕಾಮ್ಯ", "ಕದ್ದುಮುಚ್ಚಿ" ಚಿತ್ರಗಳಲ್ಲಿ ಸಹ ಅಭಿನಯಿಸಿದ್ದಾರೆ.
ವಿಜಯ್ ಜತೆಯಾಗಿರುವ ಚೈತ್ರಾ ಸಾಫ್ಟ್ ವೇರ್ ಉದ್ಯೋಗಿಆಗಿದ್ದು ಈ ನವಜೋಡಿ ಜೀವನ ಸಂತಸದಾಯಕವಾಗಿರಲಿ ಎಂದು ಬಂಧು – ಮಿತ್ರರು ಶುಭಹಾರೈಸಿದ್ದಾರೆ.
