ಕೊರೋನಾ ಲಾಕ್ ಡೌನ್ ಇಲ್ಲದದ್ದರೇ ಈ ವೇಳೆಗಾಗಲೇ ಬಜಾರ್ ಸಿನಿಮಾ ಹೀರೋ ಧನ್ವೀರ್ ನಟನೆಯ ಸಿನಿಮಾ ಶೂಟಿಂಗ್ ಮುಗಿಯುತ್ತಿತ್ತು.
ಧನ್ವೀರ್ ನಟನೆಯ ಬೈ ಟೂ ಲವ್ ಎಂಬ ಸಿನಿಮಾ ಶೂಟಿಂಗ್ ಅಂತಿಮ ಹಂತ ತಲುಪಿದೆ,ಹರಿ ಸಂತೋಷ್ ನಿರ್ದೇಶನದ ಬೈ ಟೂ ಲವ್ ಎಂಬ ರೋಮ್ಯಾಂಟಿಕ್ ಸಿನಿಮಾ ಶೂಟಿಂಗ್ ಏಪ್ರಿಲ್ 19ರಿಂದ ಆರಂಭವಾಗಿದೆ. ಮೂರು ದಿನಗಳ ಲಾಕ್ ಡೌನ್ ನಿಂದಾಗಿ ಮತ್ತೆ ಶೂಟಿಂಗ್ ನಿಂತಿದೆ, ಈಗಾಗಲೇ ಶೇ.70 ರಷ್ಚು ಶೂಟಿಂಗ್ ಪೂರ್ಣಗೊಂಡಿದೆ.
ಬಜಾರ್ ಬ್ರಾಂಡ್ ನ ಧನ್ವೀರ್ ಆಕ್ಷನ್ ಹೀರೋ ಸಾಲಿನಲ್ಲಿ ಗುರುತಿಸಿಕೊಂಡಿದ್ದಾರೆ, ಪ್ರೀತಿ ಆಧಾರಿತ ಸಿನಿಮಾವಾಗಿದೆ, ರೊಮ್ಯಾಂಟಿಕ್ ಸಿನಿಮಾದಲ್ಲಿ ನಟಿಸಲು ಆರಂಭದಲ್ಲಿ ನನಗೆ ಭಯವಾಗಿತ್ತು. ನಿಧಾನವಾಗಿ ನಾನು ಹೊಂದಿಕೊಂಡೆ, ಹಲವು ವಿಡಿಯೋಗಳನ್ನು ನೋಡಿದ ನಂತರ ನಾನು ಕೂಡ ಪ್ರಣಯಾಧಾರಿತ ಸಿನಿಮಾಗಳಿಗೆ ನ್ಯಾಯ ಒದಗಿಸಬಹುದು ಎಂದು ಭಾವಿಸಿದೆ ಎಂದು ಧನ್ವೀರ್ ಹೇಳಿದ್ದಾರೆ.
ಆಕ್ಷನ್ ಚಿತ್ರಗಳಿಗೆ ದೈಹಿಕ ಶ್ರಮ ಹೆಚ್ಚು ಬೇಕಾಗುತ್ತದೆ,ಆದರೆ ಕುಟುಂಬ ಆಧಾರಿತ ಕಥೆಗಳಿಗೆ ಭಾವನೆ ಮುಖ್ಯವಾಗುತ್ತದೆ ಎಂದು ತಿಳಿಸಿದ್ದಾರೆ.ಬೈ ಟೂ ಲವ್ ಗೆ ಶ್ರೀಲೀಲಾ ನಾಯಕಿಯಾಗಿ ಅಭಿನಯಿಸಿದ್ದಾರೆ. ಸಿನಿಮಾಗೆ ಅಜನೀಶ್ ಲೋಕನಾಥ್ ಸಂಗೀತ ನೀಡಿದ್ದಾರೆ.
