'ಮನಿ ಹೈಸ್ಟ್' ನೆಟ್ ಫ್ಲಿಕ್ಸ್ ಥ್ರಿಲ್ಲರ್ ಧಾರಾವಾಹಿ ಸರಣಿ ಕಡೆಯ ಭಾಗದ ಪೋಸ್ಟರ್ ಬಿಡುಗಡೆ: ಪ್ರಸಾರ ದಿನಾಂಕ ನಿಗದಿ

ಸ್ಪೇನ್ ರಾಷ್ಟ್ರೀಯ ಬ್ಯಾಂಕಿಂದ ಸಾವಿರಾರು ಕೋಟಿ ರೂ. ಕಳವು ಮಾಡುವ ಮಹಾನ್ ಚಾಣಾಕ್ಷ ಮಿಸ್ಟರ್ ಪ್ರೊಫೆಸರ್ ಮತ್ತು ಆತನ ತಂಡದ ಕೃತ್ಯಕ್ಕೆ ತೆರೆ ಬೀಳುವ ದಿನಾಂಕ ನಿಗದಿಯಾಗಿದೆ. 
ಧಾರಾವಾಹಿ ಸರಣಿ ಸ್ಟಿಲ್
ಧಾರಾವಾಹಿ ಸರಣಿ ಸ್ಟಿಲ್

ಕ್ಯಾಲಿಫೋರ್ನಿಯ: ಸ್ಪ್ಯಾನಿಷ್/ ಇಂಗ್ಲಿಷ್ ದ್ವಿಭಾಷಾ ಧಾರವಾಹಿ ಸರಣಿ ಮನಿ ಹೈಸ್ಟ್ ನ (ಸ್ಪ್ಯಾನಿಷ್ ಹೆಸರು- ಲಾ ಕಾಸ ಡಿ ಪಪೆಲ್) ಕಡೆಯ ಭಾಗದ ಪೋಸ್ಟರ್ ಅನ್ನು ನೆಟ್ ಫ್ಲಿಕ್ಸ್ ಬಿಡುಗಡೆಗೊಳಿಸಿದೆ. ಇದರೊಂದಿಗೆ ರಾಷ್ಟ್ರೀಯ ಬ್ಯಾಂಕಿಂದ ಸಾವಿರಾರು ಕೋಟಿ ರೂ. ಕಳವು ಮಾಡುವ ಮಹಾನ್ ಚಾಣಾಕ್ಷ ಮಿಸ್ಟರ್ ಪ್ರೊಫೆಸರ್ ಮತ್ತು ಆತನ ತಂಡದ ಕೃತ್ಯಕ್ಕೆ ತೆರೆ ಬೀಳಲಿದೆ. 

ಬ್ಯಾಂಕೊಳಗೆ ಸಿಲುಕಿಕೊಂಡಿರುವ ಪ್ರೊಫೆಸರ್ ತಂಡ ತನ್ನ ಕೃತ್ಯದಲ್ಲಿ ಸಫಲಗೊಳ್ಳುವುದೋ ಇಲ್ಲವೋ ಎನ್ನುವುದನ್ನು ತಿಳಿದುಕೊಳ್ಲಲು ಇಡೀ ಜಗತ್ತೇ ಕಾತರದಿಂದ ಕಾದಿದೆ. ಈ ಧಾರಾವಾಹಿ ಸರಣಿಯ ಕಡೆಯ ಭಾಗದ 5 ಸಂಚಿಕೆಗಳು ಈ ಹಿಂದೆ ತೆರೆಕಂಡಿದ್ದವು. ಇದೀಗ ಕಡೆಯ ಭಾಗದ ಇನ್ನುಳಿದ ಕಡೆಯ 5 ಸಂಚಿಕೆಗಳು ಡಿಸೆಂಬರ್ 3ರಂದು ನೆಟ್ ಫ್ಲಿಕ್ಸ್ ನಲ್ಲಿ ತೆರೆಕಾಣಲಿದೆ. 

2017ರಲ್ಲಿ ಸ್ಪ್ಯಾನಿಷ್ ಭಾಷೆಯ ಈ ಧಾರಾವಾಹಿ ಸರಣಿ ಸ್ಪೇನ್ ನಲ್ಲಿ ತೆರೆಕಂಡಾಗ ಅದಕ್ಕೆ ಅಷ್ಟಾಗಿ ಯಶಸ್ಸು ಸಿಕ್ಕಿರಲಿಲ್ಲ. ನೆಟ್ ಫ್ಲಿಕ್ಸ್ ಈ ಧಾರಾವಾಹಿಯನ್ನು ಕೊಂಡು ಕೊಂಡುಕೊಂಡು ಇಂಗ್ಲೀಷಿಗೆ ಡಬ್ ಮಾಡಿ ತನ್ನ ಮಾಧ್ಯಮದಲ್ಲಿ ಪ್ರಸಾರ ಮಾಡಿದ್ದೇ ತಡ ಜಗತ್ತಿನಾದ್ಯಂತ ಏಕಾಏಕಿ ಹಿಟ್ ಆಯಿತು. ಜನರು ಹುಚ್ಚುಹಿಡಿದಂತೆ ಈ ಧಾರಾವಾಹಿ ಸರಣಿಯನ್ನು ವೀಕ್ಷಿಸಿದ್ದರು.  

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com