ಕಿರುಚಿತ್ರಗಳು ಮತ್ತು ಜಾಹೀರಾತುಗಳಲ್ಲಿ ಕೆಲಸ ಮಾಡಿದ ಅನುಭವ ಹೊಂದಿರುವ ಸತೀಶ್ ಮಲೆಂಪಟಿ ಅವರು ಬಹುಭಾಷಾ ಆಕ್ಷನ್ ಥ್ರಿಲ್ಲರ್‌ನೊಂದಿಗೆ ನಿರ್ದೇಶಕರಾಗಿ ಪದಾರ್ಪಣೆ ಮಾಡಲಿದ್ದು, ಅಕ್ಷಿತ್ ಶಶಿಕುಮಾರ್ ನಾಯಕನಾಗಿ ನಟಿಸಿದ್ದಾರೆ. ಒಂದೊಂದು ಭಾಷೆಯಲ್ಲೂ ವಿಭಿನ್ನ ಶೀರ್ಷಿಕೆಗಳಿರುವ ಈ ಚಿತ್ರಕ್ಕೆ ಕನ್ನಡದಲ್ಲಿ 'ಕಾಡಾಡಿ' ಎಂದು ಹೆಸರಿಡಲಾಗಿದೆ. ಚಿತ್ರೀಕರಣ ಮುಗಿದ ನಂತರ, ನಿರ್ಮಾಪಕರು ಸಿನಿಮಾ ಎಕ್ಸ್‌ಪ್ರೆಸ್‌ನೊಂದಿಗೆ ಕೆಲವು ಸ್ಟಿಲ್‌ಗಳನ್ನು ಹಂಚಿಕೊಂಡಿದ್ದಾರೆ.
ಕೊನೆಯದಾಗಿ ಹಿಟ್ 2 ನಲ್ಲಿ ಕಾಣಿಸಿಕೊಂಡ ಲಾವಣ್ಯ ಸಾಹುಕಾರ ಅವರು ಮಹಿಳಾ ಪ್ರಮುಖ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ ಮತ್ತು ಕಥೆಯು ಈ ನಟಿಯ ಸುತ್ತ ಸುತ್ತುತ್ತದೆ. ಚಾಂದಿನಿ ತಮಿಳರಸನ್ ಕೂಡ ಪ್ರಮುಖ ಪಾತ್ರದಲ್ಲಿದ್ದಾರೆ.
ಇನ್ನುಳಿದಂತೆ ಚಿತ್ರದಲ್ಲಿ ಬೆಲ್ ಬಾಟಮ್ ನಟ, ಆರ್‌ಜೆ ಎಸ್‌ಟಿ ಸತೀಶ್ ಚಂದ್ರ, ರಾಘು ರಾಮಣ್ಣಕೊಪ್ಪ, ರವಿ ಕಾಳೆ, ತೆಲುಗು ನಟರಾದ ಪೋಸಾನಿ ಕೃಷ್ಣ ಮುರಳಿ, ಶ್ರವಣ್ ರಾಘವೇಂದ್ರ, ತಮಿಳು ನಟಿ ಮಾರಿಮುತ್ತು ಇತರರು ನಟಿಸಿದ್ದಾರೆ. ಡಿ ಯೋಗಿ ಪ್ರಸಾದ್ ಅವರ ಛಾಯಾಗ್ರಹಣದೊಂದಿಗೆ, ಸಂಯೋಜಕ ಭೀಮ್ ಸಿಸಿರೋಲಿಯೊ ಅವರ ಸಂಗೀತವಿದೆ.
'ವಿಶೇಷ ಹಾಡೊಂದನ್ನು ಹೊರತುಪಡಿಸಿ ಉಳಿದ ಎಲ್ಲಾ ಭಾಗಗಳ ಚಿತ್ರೀಕರಣವನ್ನು ನಾವು ಪೂರ್ಣಗೊಳಿಸಿದ್ದೇವೆ. ಅದಕ್ಕೆ ನಟರನ್ನು ಅಂತಿಮಗೊಳಿಸಿದ ನಂತರ ಅದನ್ನು ಚಿತ್ರೀಕರಿಸಲಾಗುವುದು' ಎಂದು ಸತೀಶ್ ಮಲೆಂಪಟಿ ಹೇಳುತ್ತಾರೆ.
Advertisement