ಟೀಂ ಇಂಡಿಯಾ ವಿಶ್ವದ ನಂ. 1 ತಂಡವಾಗಿ ಮುಂದುವರಿಯುತ್ತದೆ: ಮೈಕೆಲ್ ಕ್ಲಾರ್ಕ್

ಮುಂಬೈ: ಮುಂಬರುವ ಭಾರತ ಪ್ರವಾಸ ಹಿನ್ನೆಲೆ ಕ್ರಿಕೆಟ್ ಆಸ್ಟ್ರೇಲಿಯಾ ಏಕದಿನ ತಂಡವನ್ನು ಪ್ರಕಟಿಸಿದೆ. ಈ ಮಧ್ಯೆ ಆಸ್ಟ್ರೇಲಿಯಾ ತಂಡದ ಮಾಜಿ ನಾಯಕ ಮೈಕಲ್ ಕಾರ್ಕ್ ತಂಡದ ಆಟಗಾರರಿಗೆ ಭಾರತದ ನೆಲದಲ್ಲಿ ವಿರಾಟ್ ಕೊಹ್ಲಿ ಪಡೆಯನ್ನು ಮಣಿಸುವುದು ತುಂಬಾನೆ ಕಷ್ಟ ಎಂದು ಹೇಳಿದ್ದಾರೆ. 

ಟೆಸ್ಟ್ ಕ್ರಿಕೆಟ್ ಗಿಂತ ಏಕದಿನ ಪಂದ್ಯ ವಿಭಿನ್ನವಾಗಿದೆ. ಆಗಾಗಿ ಇಲ್ಲಿ ವಿಕೆಟ್ ಗಳನ್ನು ಉಳಿಸಿಕೊಳ್ಳುವುದಕ್ಕೆ ಹೆಚ್ಚು ಒತ್ತು ನೀಡಬೇಕು. ನೀವು ಕೆಲವು ಮನರಂಜನೆಯ ಏಕದಿನ ಕ್ರಿಕೆಟ್ ಅನ್ನು ನೋಡುತ್ತೀರಿ. ಆಸ್ಟ್ರೇಲಿಯಾ ತಂಡ ಉತ್ತಮ ಪ್ರದರ್ಶನ ನೀಡುತ್ತದೆ ಎಂದು ನಾನು ಭಾವಿಸುತ್ತೇನೆ. ಆದರೆ ಭಾರತದ ನೆಲದಲ್ಲಿ ಟೀಂ ಇಂಡಿಯಾ ವಿರುದ್ಧ ಪಂದ್ಯವನ್ನು ಗೆಲ್ಲುವುದು ತುಂಬಾನೆ ಕಠಿಣ ಎಂದು ಹೇಳಿದ್ದಾರೆ. 

ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಟೀಂ ಇಂಡಿಯಾ ಸತತ ಒಂಬತ್ತು ಟೆಸ್ಟ್ ಸರಣಿಗಳನ್ನು ಗೆದ್ದಿದೆ. ಇನ್ನು ಶ್ರೀಲಂಕಾ ನೆಲದಲ್ಲಿ ಆತಿಥೇಯ ತಂಡವನ್ನು 3-0 ಅಂತರದಿಂದ ವೈಟ್ ವಾಶ್ ಮಾಡಿದ ಸಾಧನೆ ಮಾಡಿದೆ ಎಂದು ಹೇಳಿದ್ದಾರೆ. 

ಕಳೆದ ಎರಡು ವರ್ಷಗಳಿಂದ ನಾನು ತಂಡದಲ್ಲಿ ಆಡಿಲ್ಲ. ಹೀಗಾಗಿ ನಾನು ಪ್ರಸ್ತುತ ತಂಡದಲ್ಲಿನ ಆಟಗಾರರ ವಿರುದ್ಧ ಆಡಿಲ್ಲ. ಟೀಂ ಇಂಡಿಯಾ ಆಟಗಾರರು ಉತ್ತಮ ಪ್ರದರ್ಶನ ನೀಡುತ್ತಿದ್ದು ತಮ್ಮ ನೆಲದಲ್ಲಿ ಗೆಲ್ಲುವ ಫೇವರೆಟ್ ತಂಡವಾಗಿದೆ ಎಂದರು.