ಕರಾಚಿ(ಪಾಕಿಸ್ತಾನ): ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿಗೆ ನನ್ನನ್ನು ಹೋಲಿಕೆ ಮಾಡುವುದು ನ್ಯಾಯೋಚಿತವಲ್ಲ ಎಂದು ಪಾಕಿಸ್ತಾನದ ಆಟಗಾರ ಉಮರ್ ಅಕ್ಮಲ್ ಹೇಳಿದ್ದಾರೆ.
ಟೀಂ ಇಂಡಿಯಾ ಪರ ವಿರಾಟ್ ಕೊಹ್ಲಿ ಮೂರನೇ ಕ್ರಮಾಂಕದಲ್ಲಿ ಆಡುತ್ತಾರೆ ನಾನು ಪಾಕಿಸ್ತಾನ ಪರ ಆರನೇ ಕ್ರಮಾಂಕದಲ್ಲಿ ಆಡುತ್ತೇನೆ. ಹೀಗಾಗಿ ನಮ್ಮಿಬ್ಬರನ್ನು ಒಂದೇ ತಕ್ಕಡಿಗೆ ಹಾಕುವುದು ಸರಿಯಲ್ಲ. ಇಬ್ಬರು ಒಂದೇ ಕ್ರಮಾಂಕದಲ್ಲಿ ಆಡಿದರೆ ಆಗ ನಮ್ಮಿಬ್ಬರ ಹೋಲಿಕೆ ಮಾಡಿ ಎಂದು ಹೇಳಿದ್ದಾರೆ.
ಪಾಕಿಸ್ತಾನ ಸೂಪರ್ ಲೀಗ್(ಪಿಎಸ್ಎಲ್)ನಲ್ಲಿ ಲಾಹೋರ್
ಕ್ವಾಲಂಡರ್ಸ್ ಪರ ಆಡುತ್ತಿರುವ ಉಮರ್ ಅಕ್ಮಲ್(66 ರನ್ 42 ಎಸೆತ) ಉತ್ತಮ ಪ್ರದರ್ಶನ ನೀಡಿ ಇಸ್ಲಾಮಾಬಾದ್ ಯುನೈಟೆಡ್ ವಿರುದ್ಧದ ಪಂದ್ಯವನ್ನು ಗೆಲ್ಲಿಸಿಕೊಟ್ಟಿದ್ದರು. ಇದಕ್ಕೆ ಅಭಿಮಾನಿಗಳು ಅಕ್ಮಲ್ ರನ್ನು ಕೊಹ್ಲಿಗೆ ಹೋಲಿಸಿದ್ದರು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಅಕ್ಮಲ್ ನನ್ನುನ್ನು ಕೊಹ್ಲಿ ಜತೆ ಹೋಲಿಸಬೇಡಿ ಎಂದಿದ್ದಾರೆ.
ಪಾಕಿಸ್ತಾನ ಪರ 116 ಏಕದಿನ ಪಂದ್ಯಗಳನ್ನಾಡಿರುವ ಉಮರ್ ಅಕ್ಮಲ್ 3,044 ರನ್ ಸಿಡಿಸಿದ್ದಾರೆ. ಕೊಹ್ಲಿ 179 ಏಕದಿನ ಪಂದ್ಯಗಳ ಪೈಕಿ 7,755 ರನ್ ಸಿಡಿಸಿದ್ದಾರೆ. ಇನ್ನು ಅಕ್ಮಲ್ 82 ಟಿ20 ಪಂದ್ಯಗಳ ಪೈಕಿ 1,690 ರನ್ ಸಿಡಿಸಿದ್ದು 48 ಪಂದ್ಯಗಳ ಪೈಕಿ ವಿರಾಟ್ 1,709 ರನ್ ಗಳಿಸಿದ್ದಾರೆ.
