ಇಂತಹ ಕಳಪೆ ಫೀಲ್ಡಿಂಗ್ ಮುಂದಿಟ್ಟುಕೊಂಡು ಗೆಲುವು ನಿರೀಕ್ಷಿಸಲು ಸಾಧ್ಯವಿಲ್ಲ ಎಂದು ಕೊಹ್ಲಿ ಆಟಗಾರರ ವಿರುದ್ಧ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಪಂದ್ಯದ ಬಳಿಕ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಕೊಹ್ಲಿ, ಕೋಲ್ಕತಾ ವಿರುದ್ಧ ಹಲವು ಕ್ಯಾಚ್ ಗಳನ್ನು ನಾವು ಕೈ ಚೆಲ್ಲಿದೆವು. ಇದೇ ನಮ್ಮ ಸೋಲಿಗೆ ಪ್ರಮುಖ ಕಾರಣವಾಯಿತು. ಗೆಲುವಿಗಾಗಿ ನಮ್ಮ ಶ್ರಮ ಸಾಲುತ್ತಿಲ್ಲ ಎಂದೆನಿಸುತ್ತಿದೆ. ಇಂತಹ ಫೀಲ್ಡಿಂಗ್ ಮುಂದುವರೆಕೆಯನ್ನು ನಾವು ನೋಡಬಯಸುವುದಿಲ್ಲ. ಸಿಂಗಲ್ ರನ್ ಗಳು ಬೌಂಡರಿಯಾಗಿ ಪರಿವರ್ತನೆಯಾದವು. ನಿಜ ಹೇಳಬೇಕು ಎಂದರೆ ಇಂದಿನ ಪಂದ್ಯವನ್ನು ನಾವೇ ನಮ್ಮ ಕೈಯ್ಯಾರೆ ಹಾಳು ಮಾಡಿಕೊಂಡೆವು ಎಂದು ಕೊಹ್ಲಿ ಹೇಳಿದ್ದಾರೆ.
