ಆತಿಥೇಯ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿ ನಂತರ ಟೀಂ ಇಂಡಿಯಾದ ಕೋಚ್ ರವಿಶಾಸ್ತ್ರಿ ಭಾರತ ಇನ್ನೂ 10 ದಿನ ಮುಂಚಿತವಾಗಿ ಬಂದು ಅಭ್ಯಾಸ ನಡೆಸಬೇಕಿತ್ತು ಎಂದು ಹೇಳಿದ್ದು ಇದಕ್ಕೆ ನಾಯಕ ವಿರಾಟ್ ಕೊಹ್ಲಿ ವಿರೋಧ ವ್ಯಕ್ತಪಡಿಸಿದ್ದಾರೆ.
ಟೀಂ ಇಂಡಿಯಾ ಸತತ ಸೋಲು ಕಂಡಿದ್ದರಿಂದ ತರಬೇತುದಾರ ರವಿಶಾಸ್ತ್ರಿ ಈ ರೀತಿ ಅಭಿಪ್ರಾಯ ವ್ಯಕ್ತಪಡಿಸಿದ್ದರು. ಇದಕ್ಕೆ ಕೊಹ್ಲಿ ಹಾಗೇನಿಲ್ಲ ನಮಗೆ ಅಭ್ಯಾಸ ನಡೆಸಲು 5 ದಿನ ಅವಕಾಶವಿತ್ತು. ನಾವು ಚೆನ್ನಾಗಿಯೇ ಅಭ್ಯಾಸ ನಡೆಸಿದ್ದೇವೆ ಎಂದು ಹೇಳಿದ್ದಾರೆ.
ನಾವು ಸುಮ್ಮನೆ ಇಲ್ಲಿ ಕುಳಿತು ಬೇರೆ ಯಾವುದೋ ಸಂಗತಿಗಳು ನಮ್ಮ ಸೋಲಿಗೆ ಕಾರಣ ಎಂದು ಹೇಳಲಾರೆ. ಸೋಲಿಗೆ ಕಾರಣ ನಮ್ಮದೇ ತಪ್ಪುಗಳು. ಪರಿಸ್ಥಿತಿಯ ಲಾಭ ಪಡೆಯಲು ವಿಫಲರಾಗಿದ್ದೇ ಇಲ್ಲಿ ಮುಖ್ಯವಾಗುತ್ತದೆ ಎಂದು ಹೇಳಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧದ ಮೂರು ಟೆಸ್ಟ್ ಪಂದ್ಯಗಳ ಸರಣಿಯಲ್ಲಿ ಭಾರತ ಎರಡು ಪಂದ್ಯಗಳಲ್ಲಿ ಸೋಲು ಕಾಣುವ ಮೂಲಕ ಸರಣಿ ಕೈಚೆಲ್ಲಿದೆ.
