ಆ ಕ್ಷಣದಲ್ಲಿ ಮೇಲ್ನೋಟಕ್ಕೆ ಇದು ನಾಟೌಟ್ ಎಂದು ತಿಳಿದರೂ, ಬಳಿಕ ಟಿವಿ ಅಂಪೈರ್ ಕೂಲಂಕುಷವಾಗಿ ಪರಿಶೀಲಿಸಿ ಧೋನಿ ಮನವಿಗೆ ಪುರಸ್ತರಿಸಿ ಔಟ್ ಎಂದು ತೀರ್ಪು ನೀಡಿದರು. ಧೋನಿ ಬೇಲ್ಸ್ ಎಗರಿಸುವ ಹೊತ್ತಿಗೆ ಟೇಲರ್ ಕಾಲು ಕೊಂಚ ಕ್ರೀಸ್ ನಿಂದ ಮೇಲೆ ಗಾಳಿಯಲ್ಲಿತ್ತು. ಹೀಗಾಗಿ ರಾಸ್ ಟೇಲರ್ ರನ್ನು ಧೋನಿ ಕಣ್ಣು ಮಿಟುಕಿಸುವಷ್ಟರಲ್ಲೇ ಬಲಿ ಪಡೆದಿದ್ದರು. ಆ ಮೂಲಕ ಧೋನಿ ವಿಕೆಟ್ ಹಿಂದುಗಡೆ ತಾವೆಷ್ಟು ನಿಖರವಾಗಿದ್ದಾರೆ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. ಇನ್ನು ಈ ಹಿಂದೆ ನೇಪಿಯರ್‌ನಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲೂ ಧೋನಿ ಜಾದೂ ಮಾಡಿದ್ದರು.
