ಪಾಕ್ ನಾಯಕ ಸೆಡ್ಜಿಂಗ್ ಹೇಗೆ ಮಾಡಬೇಕು ಎಂಬುದನ್ನು ರಿಷಬ್ ಪಂತ್‌ರಿಂದ ಕಲಿಯಬೇಕು!

ಪಾಕ್ ನಾಯಕ ಸರ್ಫರಾಜ್ ಅಹ್ಮದ್ ಸೆಡ್ಜಿಂಗ್ ಮಾಡುವ ಭರದಲ್ಲಿ ದಕ್ಷಿಣ ಆಫ್ರಿಕಾದ ಆಂಡಿಲೆಯನ್ನು 'ಲೋ ಕರಿಯಾ' ಎಂದು ಹೇಳಿ ಇದೀಗ ಕ್ರಿಕೆಟ್ ದಿಗ್ಗಜರ ಕೆಂಗಣ್ಣಿಗೆ ಗುರಿಯಾಗಿದ್ದು ಒಂದು ರೀತಿಯಲ್ಲಿ ಸರ್ಫರಾಜ್ ಅಹ್ಮದ್ ಸೆಡ್ಜಿಂಗ್ ಹೇಗೆ ಮಾಡಬೇಕು ಎಂಬುದನ್ನು ರಿಷಬ್ ಪಂತ್ ರಿಂದ ಕಲಿಯಬೇಕಿದೆ. 

ಹೌದು ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ರಿಷಬ್ ಪಂತ್ ರನ್ನು ಆಸ್ಟ್ರೇಲಿಯಾ ನಾಯಕ ಟೀಮ್ ಪೈನ್ ನನ್ನ ಮಕ್ಕಳನ್ನು ನೋಡಿಕೊಳ್ಳುತ್ತೀಯಾ ನಾನು ನನ್ನ ಹೆಂಡಿತ ಜೊತೆ ಸಿನಿಮಾಗೆ ಹೋಗುತ್ತೇನೆ ಎಂದು ಹೇಳಿ ಸೆಡ್ಜಿಂಗ್ ಮಾಡಿದ್ದರು. ಇದಕ್ಕೆ ಪ್ರತಿಯಾಗಿ ರಿಷಬ್ ಪಂತ್ ತಾತ್ಕಾಲಿಕ ನಾಯಕ ಎಂದು ಹೇಳಿ ಟಿಮ್ ಪೈನ್ ಕಾಲೆಳೆದಿದ್ದರು. ಇದು ಉಭಯ ತಂಡಗಳ ಆಟಗಾರರು ಆರೋಗ್ಯಕರವಾಗಿ ಸೆಡ್ಜಿಂಗ್ ಮಾಡಿದ್ದರು.

ಆದರೆ ಪಾಕ್ ನಾಯಕ ವಿಕೆಟ್ ಬೀಳುತ್ತಿಲ್ಲ ಎಂಬ ಕೋಪಗೊಂಡು ಆಂಡಿಲೆರನ್ನು ಲೋ ಕರಿಯಾ, ನಿನ್ನ ಅಮ್ಮ ಎಲ್ಲಿ ಕುಳಿತ್ತಿದ್ದಾಳೆ. ಏನು ಪಾರ್ಥನೆ ಮಾಡಿ ಬಂದಿದ್ದೀಯ ಎಂದು ಹೇಳುವ ಮೂಲಕ ಜನಾಂಗೀಯವಾಗಿ ನಿಂದನೆ ಮಾಡಿದ್ದರು. ಇದು ಕ್ರಿಕೆಟ್ ವಲಯದಲ್ಲಿ ಸಂಚಲನ ಮೂಡಿಸಿತ್ತು. ತಮ್ಮ ವಿರುದ್ಧ ಟೀಕೆಗಳು ವ್ಯಕ್ತವಾಗುತ್ತಿದ್ದಂತೆ ಸರ್ಫರಾಜ್ ಅಹ್ಮದ್ ಸಾರ್ವಜನಿಕವಾಗಿ ಕ್ಷಮೆಯಾಚಿಸಿದ್ದು.