ವಿಶ್ವಕಪ್ ಫೈನಲ್ ಪಂದ್ಯಕ್ಕೆ ಚೆಂಡು ಬಂದಿದ್ದು ಎಲ್ಲಿಂದ ಗೊತ್ತ? ಈ ವಿಡಿಯೋ ನೋಡಿ, ಮೈ ಜುಮ್ ಅನ್ನುತ್ತೆ!

ಲಂಡನ್: ಟೂರ್ನಿಗಳು ರಸವತ್ತಾಗಿರಬೇಕೆಂದರೆ ಕೆಲವೊಂದು ವಿಸ್ಮಯಗಳನ್ನು ಮಾಡುತ್ತಿರಬೇಕಾಗುತ್ತದೆ. ಅಂತೆಯೇ ವಿಶ್ವಕಪ್ ಟೂರ್ನಿಯ ಫೈನಲ್ ಪಂದ್ಯಕ್ಕೆ ಚೆಂಡು ಆಗಸದಿಂದ ಬಂದಿರುವ ವಿಡಿಯೋ ಸದ್ಯ ವೈರಲ್ ಆಗಿದೆ.

ಸಾಮಾನ್ಯವಾಗಿ ಚೆಂಡನ್ನು ಅಂಪೈರ್ ಗಳೇ ತೆಗೆದುಕೊಂಡು ಬಂದು ಬೌಲರ್ ಗೆ ನೀಡುತ್ತಾರೆ. ಆದರೆ ಫೈನಲ್ ಪಂದ್ಯಕ್ಕೆ ಮಾತ್ರ ರೆಡ್ ಡೆವಿಲ್ಸ್ ತಂಡ ಪ್ಯಾರಾಚ್ಯೂಟ್ ಮೂಲಕ ಚೆಂಡನ್ನು ಹಿಡಿದು ಆಗಸದಿಂದ ಹಾರಾಡುತ್ತಾ ಬಂದು ಅಂಪೈರ್ ಗೆ ಚೆಂಡನ್ನು ನೀಡಿದರು. 

ಇಂಗ್ಲೆಂಡ್ ಮತ್ತು ನ್ಯೂಜಿಲ್ಯಾಂಡ್ ನಡುವೆ ಫೈನಲ್ ಪಂದ್ಯ ನಡೆಯುವ ಮುನ್ನ ರೆಡ್ ಡೆವಿಲ್ಸ್ ತಂಡ ಈ ಸಾಹಸಕ್ಕೆ ಪ್ರದರ್ಶಿಸಿದ್ದು ಇದನ್ನು ಕಂಡ ಅಭಿಮಾನಿಗಳು ಎದ್ದು ನಿಂತು ಚಪ್ಪಾಳೆ ತಟ್ಟಿದರು.