ಶುಭ್ಮನ್ ಗಿಲ್ ಜೊತೆ ಸಚಿನ್ ಪುತ್ರಿ ಸಾರಾ ಲವ್ವಿ ಡವ್ವಿ? ಹಾರ್ದಿಕ್ ಕಾಲೆಳೆದಿದ್ದೇಕೆ?

ಮುಂಬೈ: ಟೀಂ ಇಂಡಿಯಾದ ಯುವ ಆಟಗಾರ ಶುಭ್ಮನ್ ಗಿಲ್ ಅವರೊಂದಿಗೆ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್ ಪ್ರೀತಿಯಲ್ಲಿ ಬಿದ್ದಿದ್ದಾರೆ ಎಂಬ ಸುದ್ದಿ ಸಖತ್ ಸೌಂಡ್ ಮಾಡುತ್ತಿದೆ. 

ಅಂಡರ್ 19 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಶುಭ್ಮನ್ ಗಿಲ್ ಅದ್ಭುತ ಪ್ರದರ್ಶನ ನೀಡಿದ್ದರು. ಐಪಿಎಲ್ ನಲ್ಲೂ ಶುಭ್ಮನ್ ಉತ್ತಮ ಪ್ರದರ್ಶನ ನೀಡಿದ್ದರು. ಇನ್ನು ಶುಭ್ಮನ್ ಹೊಸದಾಗಿ ರೇಂಜ್ ರೋವರ್ ಕಾರು ಖರೀದಿಸಿದ್ದರು. ಅದರ ಮುಂದೆ ನಿಂತು ಫೋಸ್ ನೀಡುತ್ತಿರುವ ಫೋಟೋವನ್ನು ತಮ್ಮ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದರು.

ಈ ಫೋಟೋಗೆ ಸಚಿನ್ ಪುತ್ರಿ ಸಾರಾ ಪ್ರತಿಕ್ರಿಯೆ ನೀಡಿ ಶುಭಾಶಯ ತಿಳಿಸಿದ್ದರು. ಈ ಕಾಮೆಂಟ್ ಗೆ ಗಿಲ್ ಕೂಡ ಧನ್ಯವಾದ ತಿಳಿಸಿದ್ದರು. ಇದು ಶುಭ್ಮನ್ ಹಾಗೂ ಸಾರಾ ತೆಂಡೂಲ್ಕರ್ ನಡುವೆ ಗಿಲ್ ಪ್ರೀತಿ ಶುರು ಆಗಿದೆಯಾ ಎಂಬ ಅನುಮಾನ ಮೂಡಿಸಿದೆ.

ಇನ್ನು ಇದಕ್ಕೆ ಹಾರ್ದಿಕ್ ಪಾಂಡ್ಯ ಶುಭ್ಮನ್ ಗಿಲ್ ಪೋಸ್ಟ್ ಗೆ ಪ್ರತಿಕ್ರಿಯೆ ನೀಡಿ ಮೋಸ್ಟ್ ವೆಲ್ ಕಮ್ ಫ್ರಮ್ ಹರ್ ಎಂದು ಹೇಳಿದ್ದರು. ಅಲ್ಲದೆ ಇದರೊಂದಿಗೆ ಕಣ್ಣು ಮಿಟುಕಿಸುವ ಇಮೋಜಿ ಕೂಡ ಹಾಕಿದ್ದರು. ಪಾಂಡ್ಯರ ಈ ಪ್ರತಿಕ್ರಿಯೆಯಿಂದ ಶುಭ್ಮನ್ ಹಾಗೂ ಸಾರಾ ನಡುವೆ ಏನೋ ಸಂಬಂಧ ಶುರುವಾಗಿದೆ ಎಂಬ ಸುದ್ದಿ ಕೇಳಿ ಬಂದಿದೆ.