ಕೊಲಂಬೊ: ರಾಜಕೀಯ ಆಂತರಿಕ ಬೇಗುದಿಯಿಂದ ತತ್ತರಿಸಿದ್ದ ಶ್ರೀಲಂಕಾದಲ್ಲಿ ಇದೀಗ ಶ್ರೀಲಂಕಾ ಕ್ರಿಕೆಟ್ ಸಂಸ್ಥೆ ಬರೊಬ್ಬರಿ 6.3 ಶತಕೋಟಿ ರೂಪಾಯಿ ನಿವ್ವಳ ಲಾಭ ಗಳಿಸಿದೆ ಎಂದು ಹೇಳಲಾಗಿದೆ.
ಹೌದು.. ಶ್ರೀಲಂಕಾ ಕ್ರಿಕೆಟ್ ಮಂಡಳಿ ನೀಡಿರುವ ವರದಿಯ ಪ್ರಕಾರ, ಶ್ರೀಲಂಕಾ ಕ್ರಿಕೆಟ್ (ಎಸ್‌ಎಲ್‌ಸಿ) 2022 ರಲ್ಲಿ ರೂ 6.3 ಬಿಲಿಯನ್ ಗಳಿಸಿದ್ದು, ಇದು ಕ್ರೀಡಾ ಸಂಸ್ಥೆಯ ಅತ್ಯಧಿಕ ವಾರ್ಷಿಕ ನಿವ್ವಳ ಆದಾಯವಾಗಿದೆ ಎಂದು ಹೇಳಿದೆ.
ಈ ಕುರಿತು ಪ್ರಕಟಣೆ ಕೂಡ ನೀಡಿರುವ SLC, "ನಿವ್ವಳ ಆದಾಯದಲ್ಲಿ ಇತ್ತೀಚಿನ ಹೆಚ್ಚಳವು ಪ್ರಾಥಮಿಕವಾಗಿ ನಾಲ್ಕು ಆದಾಯ ವಿಭಾಗಗಳಿಂದ ಉತ್ಪತ್ತಿಯಾಗಿದೆ, ಅವುಗಳು ಅಂತಾರಾಷ್ಟ್ರೀಯ ಕ್ರಿಕೆಟ್, ದೇಶೀಯ ಕ್ರಿಕೆಟ್, ಪ್ರಾಯೋಜಕತ್ವದ ಒಪ್ಪಂದಗಳು ಮತ್ತು ICC ವಾರ್ಷಿಕ ಸದಸ್ಯರ ವಿತರಣೆಗಳು" ಎಂದು ತಿಳಿಸಿದೆ.
ಅಂತೆಯೇ SLC ಗಾಗಿ ಹೊಸ ಸಂವಿಧಾನವನ್ನು ರಚಿಸಲು ಕ್ರೀಡಾ ಸಚಿವ ರೋಷನ್ ರಾಣಾ ಸಿಂಗ್ ಅವರು 10 ಸದಸ್ಯರ ಸಮಿತಿಯನ್ನು ನೇಮಿಸಿದ್ದಾರೆ. ಈ ಸಮಿತಿಯು ಸುಪ್ರೀಂ ಕೋರ್ಟ್‌ನ ನಿವೃತ್ತ ನ್ಯಾಯಮೂರ್ತಿ ಕೆಟಿ ಚಿತ್ರಸಿರಿ ನೇತೃತ್ವದ ಸಮಿತಿಯು ಹಲವಾರು ಕಾನೂನು ಗಣ್ಯರು ಮತ್ತು ಮಾಜಿ ರಾಷ್ಟ್ರೀಯ ಕ್ರಿಕೆಟಿಗರಾದ ಚರಿತ್ ಸೇನಾನಾಯಕೆ ಮತ್ತು ಫರ್ವೀಜ್ ಮಹರೂಫ್ ಅವರನ್ನು ಒಳಗೊಂಡಿದೆ. ಈ ಉದ್ದೇಶಕ್ಕಾಗಿ ಐಸಿಸಿಯಿಂದ ಮಾರ್ಗದರ್ಶನ ಮತ್ತು ತಜ್ಞರ ಸಲಹೆಯನ್ನು ಪಡೆದಿದ್ದೇನೆ ಎಂದು ರಾಣಾಸಿಂಗ್ ಹೇಳಿದ್ದಾರೆ.
ಎಸ್‌ಎಲ್‌ಸಿ ಪದಾಧಿಕಾರಿಗಳ ಚುನಾವಣೆಗಳು ಯಾವಾಗಲೂ ವಿವಾದದಿಂದ ಕೂಡಿರುತ್ತವೆ, ಏಕೆಂದರೆ ಹೆಚ್ಚಿನ ಸಂಖ್ಯೆಯ ಮತಗಳ ಬಗ್ಗೆ ಕಳವಳ ವ್ಯಕ್ತಪಡಿಸಲಾಗುತ್ತಿದೆ, ಇದು ಪಟ್ಟಭದ್ರ ಹಿತಾಸಕ್ತಿಗಳ ಪರವಾಗಿ ಮತ-ಖರೀದಿಯಂತಹ ದುರುಪಯೋಗದ ಆರೋಪಗಳಿಗೆ ಕಾರಣವಾಗುತ್ತದೆ.
Advertisement